2019 წლის 12-13 აპრილს სამართლის სკოლამ უმასპინძლა მორიგ ქართულ-გერმანულ კონფერენციას, რომელიც ყოველწლიურად ხორციელდება ფრიდრიხ ნაუმანის ფონდის, კიოლნის უნივერსიტეტისა და ქართული, გერმანული და საერთაშორისო სისხლის სამართლის ინსტიტუტის ურთიერთთანამშრომლობის ფარგლებში. ღონისძიება უკვე მეორედ ტარდება ქართულ-გერმანული სამართლის დიალოგის ეგიდით და მასში მონაწილეობა მიიღეს როგორც ქართველმა, ასევე გერმანელმა ექსპერტებმა. მოხსენებები და დისკუსიები ეხებოდა სისხლის სამართლისათვის მნიშვნელოვან სხვადასხვა საკითხს 

მომხსენებლები იყვნენ: 

პროფ. ვერნერ შრიოდერი (ინსბრუკის უნივერსიტეტი), 

დოქტ. მუსტაფა თემუზ ოგლაკჩიოღლუ (ნიურნბერგ-ერლანგენის უნივერსიტეტი), 

გიორგი მახარაძე (ადვოკატი), 

პროფ. კაი კორნელიუსი (ჰაიდელბერგის უნივერსიტეტი),

თეა გიორგაძე (პროკურორი, საქართველოს გენერალური პროკურატურა), პროფ. მარტინ პაულ ვასმერი (კიოლნის უნივერსიტეტი), 

პროფ. ინგკე გიოკენიანი (ბოხუმის უნივერსიტეტი), 

პროფ. ნონა თოდუა (თბილისის სახელმწიფო უნივერსიტეტი), 

პროფ. ბენო ცაბელი (ბონის უნივერსიტეტი), 

პროფ. ბაჩანა ჯიშკარიანი (საქართველოს უნივერსიტეტი).

კონფერენციის ორივე დღის ბოლოს გაიმართა საინტერესო დისკუსია.