2019 წლის 21 ოქტომბერს, საქართველოს უნივერსიტეტში გაიმართა რიგით მეორე ქართულ-გერმანული სიმპოზიუმი. ღონისძიება ჩატარდა საქართველოს უნივერსიტეტის ქართული, გერმანული და საერთაშორისო სისხლის სამართლის ინსტიტუტისა და კიოლნის უნივერსიტეტის თანამშრომლობის ფარგლებში. ღონისძიებაზე მოხსენებებით წარსდგნენ ახალგაზრდა მკვლევარები. დისკუსიაში ჩართული იყო პროფესურაც. ღონისძიება მიმდინარეობდა გერმანულ ენაზე.

შეხვედრა მიზნად ისახავდა ახალგაზრდა მეცნიერების მხარდაჭერას და მათი ინტეგრაციისთვის ხელის შეწყობას სამეცნიერო სივრცეში ნაციონალურ და ინტერნაციონალურ დონეზე.

თანამშრომლობის აღნიშნული ფორმატი დაფუძნებულია პროფესორების, მარტინ ვასმერისა და ბაჩანა ჯიშკარიანის მიერ 2018 წელს.