სიახლეები
15 ნოემბერს, საქართველოს უნივერსიტეტში ტოლერანტობის კვირეულის ფარგლებში ჩატარდა საჯარო ლექცია თემაზე - „რწმენის თავისუფალი აქტი და რელიგიური შემწყნარებლობის კულტურა”, რომელსაც უძღვებოდა საქართველოს უნივერსიტეტის მოწვეული სპეციალისტი არჩილ მეტრეველი.
ლექციაზე საუბარი შეეხო რელიგიური შემწყნარებლობის კულტურასა და რწმენის თავისუფალი აქტს, რომელიც ადამიანებში პირადი ძალისხმევისა და გამოცდილების შედეგად აყალიბებს ადამიანის შინაგან პიროვნებას, ხსნის გარესამყაროს და მის კავშირს ამ სამყაროსთან, წარმოადგენს იმ უნიკალურ ფენომენს (ნიჭს), რომელიც ყველა ადამიანისთვის საერთოა. ეს კი ქმნის საერთო ღირებულებას, რომელზეც მყარად შენდება შემწყნარებლური და სოლიდარული დამოკიდებულებები მრავალფეროვან რელიგიურ გარემოში.
შეხვედრის ბოლოს მოწვეულ სტუმარსა და საქართველოს უნივერსიტეტის სამართლის სკოლის სტუდენტებს შორის გაიმართა დისკუსია სხვადასხვა მიმდინარე მნიშვნელოვან სამართლებრივი საკითხებზე.
