13 მაისს, საქართველოს უნივერსიტეტში, სენტგალენის უნივერსიტეტის (შვეიცარია)
საერთაშორისო ბიზნეს სამართლის სამაგისტრო პროგრამის კურსდამთავრებულთა ასოციაციამ და საქართველოს უნივერსიტეტის სამართლის სკოლის საერთაშორისო ბიზნეს სამართლის
სამაგისტრო პროგრამამ წარმართეს მრგვალი მაგიდა, ქართული და საერთაშორისო ბიზნეს სამართლის შესახებ. 
ძირითად თემებს წარმოადგენდა: ქართული კონკურენციის სამართლის ჰარმონიზაცია ევროკავშირის სამართალთან, არბიტრაჟი, ინტელექტუალური საკუთრების სამართლის გავრცელება და მასთან დაკავშირებული პრობლემები, ზოგადი ბიზნეს კლიმატი საქართველოში.
„კურსდამთავრებულთა ასოციაციის“ ყოველწლიური შეხვედრა გაიმართა თბილისში, 2017 წლის 11-14 მაისის ფარგლებში. შეკრებას დაესწრო ასოციაციის 35 წევრი, მათ შორის მოქმედი იურისტები, მენეჯერები, მოსამართლეები მაღალი რანგის სახელმწიფო მოხელეები სხვადასხვა ქვეყნიდან.სენტ გალენის უნივერსიტეტის საერთაშორისო ბიზნეს სამართლის სამაგისტრო პროგრამის შესახებ დამატებითი ინფორმაციისთვის ეწვიეთ ვებ-გვერდს:
http://www.mbl.unisg.ch/program