სიახლეები
საქართველოს უნივერსიტეტი პირველი უნივერსიტეტია საქართველოდან, რომელიც გახდა ევროპის სამართლის ინსტიტუტის - European Law Institute (ELI) წევრი.
ევროპის სამართლის ინსტიტუტი არის დამოუკიდებელი ორგანიზაცია, რომელიც მდებარეობს ქ. ვენაში, ავსტრიაში და მისი მიზანია ევროპის სამართლებრივი გარემოს სრულყოფა.
ევროპის სამართლის ინსტიტუტის წევრები არიან სახელმწიფო ორგანოები, ევროპის პოლიტიკის განმსაზღვრელი პირები და აკადემიის წევრები, რომელთა მიზანია გავლენა მოახდინონ ევროპის სამართლის განვითარებაზე, რისთვისაც წარმატებით იყენებენ ევროპის სამართლის ინსტიტუტის ფორუმებს.
დღეიდან საქართველოს უნივერსიტეტის პროფესორებს, სტუდენტებს და მკვლევარებს საშუალება მიეცემათ მონაწილეობა მიიღონ ევროპის სამართლის ინსტიტუტის ღონისძიებებში და გავლენა მოახდინონ ევროპის სამართლის განვითარების პროცესზე.
ოფიციალურად საქართველოს უნივერსიტეტის სამართლის სკოლა ევროპის სამართლის სკოლის ოჯახის წევრია.
