ტრენინგების მიზანი იყო ადამიანის უფლებათა სამართალში არსებული თანამედროვე გამოწვევებისა და ტენდენციების შესახებ გამოცდილებების გაზიარება. მასში მონაწილეობის შესაძლებლობა ჰქონდათ საქართველოში აკრედიტირებული უმაღლესი საგანმანათლებლო დაწესებულებების პროფესორებსა და მოწვეულ ლექტორებს.

ტრენინგები ჩატარდა შემდეგ თემებზე:  გაერთიანების თავისუფლება; პერსონალური მონაცემების დაცვა; გენდერის ძირითადი საკითხები და თანასწორობის უფლება;  გამოხატვის თავისუფლება. შეხვედრებს უძღვებოდნენ დარგის სპეციალისტები და ცნობილი უფლებადამცველები: გიორგი ბურჯანაძე,  ლონდა თოლორაია, ეკა სხილაძე, სოფო ბენაშვილი.

„საინტერესო, პრაქტიკული და აქტუალური ტრენინგი, თემატიკიდან გამომდინარე ვორქშოპზე განხილული გენდერის საკითხების გადატანა შესაძლებელია ყოველდღიურ საქმიანობაში.“- აღნიშნა ერთ-ერთმა მონაწილემ. 

ტრენინგები პროექტის "ადამიანის უფლებების სწავლების გაუმჯობესება საქართველოს უნივერსიტეტში“ ფარგლებში ჩატარდა, რომელსაც საქართველოს უნივერსიტეტის სამართლის სკოლის ადამიანის უფლებების ცენტრი ახორციელებს USAID სამართლის უზენაესობის პროგრამის მხარდაჭერით.