10 მარტს, საქართველოს უნივერსიტეტსა და საქართველოს ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტოსა შორის ურთიერთთანამშრომლობის მემორანდუმი გაფორმდა, რომლის მიზანია საინფორმაციო ტექნოლოგიების სფეროში ინოვაციური გარემოს განვითარება და უნივერსიტეტებში ინოვაციური სტარტაპების გენერირების პროცესის ხელშეწყობა.

ასევე, სააგენტო, „40000 IT სპეციალისტების მოსამზადებელი პროგრამის“ ფარგლებში, ჩაატარებს ტრენინგებს IT მიმართულებით.

მემორანდუმის ფარგლებში, სტუდენტებში ინოვაციური ბიზნეს იდეების აღმოჩენისა და მათი Start – up კომპანიებად განვითარების ხელშეწყობის მიზნით, მიმდინარეობს პრე-აქსელერატორის პროგრამა.

პრე-აქსელერატორი სტუდენტებს უზრუნველყოფს ბიზნეს ტრენინგების, მენტორშიპისა და სემინარების ინტენსიური, მოკლევადიანი კურსით. ასევე, ხელს შეუწყობს უნივერსიტეტის ბაზაზე ინოვაციური სტუდენტური ბიზნეს ინიციატივების აღმოჩენას, განვითარებას და ზრდის ხელშეწყობის მიზნით, დამატებით რესურსებთან დაკავშირებას.