1-3 ივლისს, კახეთში, სასტუმრო Hotel and Wine Cellar ARGE-მა, საქართველოს უნივერსიტეტის SUMMER FUN-სტუდენტურ ბანაკს უმასპინძლა. ბანაკი საქართველოს უნივერსიტეტის SUMMER FUN-ის ფარგლებში ჩატარდა და მთლიანად დაეთმო გართობას და ფინალური გამოცდებისგან განტვირთვას. 

საქართველოს უნივერსიტეტის ოთხმოც სტუდენტს,სასტუმროში, ორგანიზატორებისგან დახვდათ სხვადასხვა გასართობი აქტივობები, ინტელექტუალური თამაშები და რა თქმა უნდა, POOL PARTY. 

აღსანიშნავია, რომ სტუდენტურ ბანაკში მოსახვედრად, სტუდენტების ნაწილმა, წინასწარ გაწერილი, შერჩევითი პროცესი გაიარა,სადაც გამარჯვებული სტუდენტები ამ მოგზაურობით დაჯილდოვდნენ.

Summer Fun ბანაკში მონაწილეობისთვის ასამდე სტუდენტი დარეგისტრირდა, რომელთა შორისაც სამოცდაათი სტუდენტი სარეგისტრაციო აპლიკაციით შეირჩა, დანარჩენი ადგილები კი ორგანიზატორების მხრიდან -  გათამაშდა, სხვადასხვა აქტივობებით: 

• მაძიებელი – უნივერსიტეტის ტერიტორიაზე იყო დამალული ერთი საგზური, რომელიც იპოვა, ნიკოლოზ ბაბილოძემ. 
• იღბლიანი – საგამოცდო აუდიტორიაში შემთხვევითობის პრინციპით დახვდათ ხუთი საგზური, რომელთა შორის იყვნენ ზურა ჯიმშელეიშვილი, გიორგი ჯინიყაშვილი, ანი აზარიაშვილი და ნუცა ნაცვლიშვილი. 
• ინტელექტუალური ქვიზი – ბანაკში მონაწილეობის მსურველებმა სახალისო ინტელექტუალურ კითხვებს უპასუხეს, სწორი პასუხების ავტორები გახდნენ: სალომე ლოლიაშვილი, ლაშა ხატიაშვილი, გვანცა ნაცვლიშვილი და ანა სოლოღაშვილი.