25 ივნისს, საქართველოს უნივერსიტეტის მხარდაჭერით, სასკოლო კლუბების ასოციაციის ორგანიზებით შემაჯამებელი ღონისძიება „მსოფლიო თავისუფლების ქართული ხმები“ გაიმართა.

პროექტში ჩართული იყო 50-მდე საჯარო და კერძო სკოლის მოსწავლეთა კლუბი სხვადასხვა რეგიონიდან. მონაწილეებმა წარმოადგინეს მოკლემეტრაჟიანი ვიდეორგოლები, რომლებშიც ასახულია თავისუფლების მნიშვნელობა ადგილობრივი პერსპექტივიდან.

ღონისძიების ფარგლებში გამოვლინდა და დაჯილდოვდა 5 საუკეთესო ვიდეორგოლი, ხოლო ყველა მონაწილეს აქტიური ჩართულობისთვის  სერტიფიკატები და სამახსოვრო საჩუქრები გადაეცათ.

ღონისძიებას ესწრებოდნენ მოწვეული სტუმრები, მოსწავლეები, მშობლები, პედაგოგები და სკოლის დირექტორები.

აღნიშნული ინიციატივა ხელს უწყობს ახალგაზრდებში კრიტიკული აზროვნების, სამოქალაქო პასუხისმგებლობის და შემოქმედებითი თვითგამოხატვის განვითარებას.