საქართველოს უნივერსიტეტის ჟურნალისტიკისა და მასკომუნიკაციების დეპარტამენტის ხელმძღვანელი, ლელი ბიბილაშვილი საზოგადოებასთან ურთიერთობის საერთაშორისო ასოციაციის წევრი (IPRA) გახდა.

IPRA 1955 წლიდან არსებობს და მისი წევრები ძირითადად საზოგადოებასთან ურთიერთობის აღმასრულებელი დირექტორები, წამყვანი უნივერსიტეტის პიარ სპეციალისტები და აკადემიური სფეროს წარმომადგენლები არიან.

აღსანიშნავია, რომ ასოციაციის წევრობა არამხოლოდ კონკრეტულად ერთი PR სპეციალისტის არამედ, საქართველოს უნივერსიტეტის სტრატეგიული კომუნიკაციების პროგრამის დამსახურებაა, რომელიც ერთ-ერთი ყველაზე თანამედროვე და მუდმივად მზარდი დარგია.

ასოციაცია ორიენტირებულია ეთიკის ქარტიის შემუშავებაზე, საზოგადოებასთან ურთიერთობის პრაქტიკოსების საქმიანობის და პროფესიის სტანდარტის მუდმივ სრულყოფაზე. განსაკუთრებით საყურადღებაო IPRA-ს საზოგადოებასთან ურთიერთობის მსოფლიო კონგრესი, სადაც ასოციაციის წევრები ერთმანეთს უახლეს სტანდარტებს და ტექნიკებს უზიარებენ. გარდა ამისა, IPRA-ს ეკუთვნის ერთ-ერთი ყველაზე ცნობილი დაჯილდოება Golden World Awards, სადაც საუკეთესო PR კამპანიების ავლენს და აჯილდოებს.