სიახლეები
19 მარტს, საქართველოს უნივერსიტეტსა და ფარმაცევტულ კომპანია GM PHARMA-ს შორის ურთიერთთნამშრომლობის მემორანდუმი გაფორმდა. თანამშრომლობა მოიცავს უნივერსიტეტის სტუდენტთა კვევითი და პრაქტიკული საქმიანობის ხელშეწყობას, ასევე სტუდენტთა სტაჟირებასა და საწარმოო პრაქტიკას, რომელიც ხელს შეუწყობს პროფესიული უნარების განვითარებას.
მემორანდუმის მიზანია საქართველოს უნივერსიტეტის სტუდენტებისთვის კვალიფიციური განათლების მიღებისა და პროფესიული განვითარების ხელშეწყობა. მხარეთა საჭიროებების გათვალისწინებით დაიგეგმება და განხორციელდება ერთობლივი პროექტები, რომელიც ერთი მხრივ განავითარებს სტუდენტთა პრაქტიკულ უნარებს, მეორე მხრივ კი, გააძლიერებს კომპანიის კვლევით და პროფესიულ რესურსებს. მემორანდუმის გაფორმებით საქართველოს უნივერსიტეტსა და GM PHARMA-ს შორის გრძელვადიან თანამშრომლობას ჩაეყარა საფუძველი, რომელიც ხელს შეუწყობს შესაბამის დარგში ინოვაციების დანერგვასა და პროფესიონალების ჩამოყალიბებას.
მემორანდუმის ფარგლებში, მხარეები უზრუნველყოფენ თანამშრომლობისთვის აუცილებელი ინფორმაციის გაცვლას, მონაცემთა დაცვისა და კონფიდენციალურობის ნორმების გათვლისწინებით.
