სიახლეები
მთელ მსოფლიოში ახალი კორონავისურის გლობალურმა გავრცელებამ და მასთან დაკავშირებულმა რადიკალურმა ცვლილებებმა ადამიანების დიდ ნაწილში გამოიწვია სტრესის, შფოთვისა და დეპრესიის დამახასიათებელი ნიშნების მომატება.
ამას ემატება, მრავალწევრიან ოჯახებში, თვითიზოლაციის პირობებში პირადი საზღვრებისა და სივრცის დაუცველობის პრობლემა, რაც ზრდის ოჯახის წევრებს შორის დაძაბულობასა და კონფლიქტური შემთხვევების რისკს.
საქართველოს უნივერსიტეტის ფსიქოლოგიის დეპარტამენტთან არსებული ფსიქოლოგიური მომსახურებისა და ანალიტიკის ცენტრი - „კონტაქტი“ გთავაზობთ უფასო კვალიფიციურ ფსიქოლოგიურ კონსულტირებასა და თერაპიას.
„კონტაქტის“ კვალიფიცირებული ფსიქოლოგები და ფსიქოთერაპევტები მოზარდებსა და ზრდასრულ ადამიანებს, ასევე ოჯახურ წყვილებს გაუწევენ Online დახმარებას.
კონსულტაციაზე დასარეგისტრირებლად ან შეკითხვის შემთხვევაში მიმართეთ Facebook გვერდს: ბმული
