საქართველოს უნივერსიტეტის დასაქმების ხელშეწყობის ცენტრი განაგრძობს მიმდინარე სემესტრის ტრენინგების სერიას- „5 ნაბიჯი დასაქმებისკენ“.

4 აპრილს, დასაქმების ხელშეწყობის ცენტრმა უმასპინძლა ტრენინგს თემაზე: „როგორ დავწერო პროფესიონალური სამოტივაციო წერილი“.

ტრენინგის ფარგლებში განხილული იყო შემდეგი საკითხები:

• რა მნიშვნელობა აქვს სამოტივაციო წერილს;
• რა უნდა გავითვალისწინოთ სამოტივაციო წერილის შედგენისას;
• შეცდომები, რომლებსაც ვუშვებთ სამოტივაციო წერილის შედგენისას.

ტრენინგს გაუძღვა საქართველოს უნივერსიტეტის სოციალურ მეცნიერებათა სკოლის ლექტორი და ადამიანური რესურსების მართვის ექსპერტი, ქ-ნ ელიზავეტა სოლოღაშვილი.

ტრენინგი ინტერაქტიულ რეჟიმში წარიმართა და ყველა მონაწილეს გადაეცა სერტიფიკატი.