სიახლეები
12-16 ივნისს საქართველოს უნივერსიტეტის ჯანმრთელობის მეცნიერებათა და საზოგადოებრივი ჯანდაცვის სკოლის დირექტორი თამარ ლობჯანიძე და ჯანდაცვის ადმინისტრირების პროგრამების ხელმძღვანელი პროფესორი ოთარ ვასაძე, ჯანდაცვის ადმინისტრირების პროგრამების საერთაშორისო აკრედიტაციის მოპოვების მიზნით, იმყოფებოდნენ ლოს-ანჯელესში /ლონგ ბიჩი, აშშ/ გლობალური ჯანმრთელობის საერთაშორისო სიმპოზიუმზე.
სიმპოზიუმზე მოსმენილ იქნა საქართველოს უნივერსიტეტისა და მისი პარტნიორი უნივერსიტეტების (სკრენტონის უნივერსიტეტი, ცენტრალური ფლორიდის უნივერსიტეტი) ჯანდაცვის ადმინისტრირების პროგრამების განვითარების ანგარიში.
დაიგეგმა, რომ საქართველოს უნივერსიტეტის ჯანდაცვის სკოლა შემოდგომაზე უმასპინძლებს სტუმრებს ჯანდაცვის ადმინისტრირების საუნივერისტეტო პროგრამების ასოციაციიდან (AUPHA) და ჯანდაცვის მენეჯმენტის პროგრამების აკრედიტაციის კომისიიდან (CAHME).
