ირაკლი ლაითაძეს აქვს მრავალწლიანი სამუშაო გამოცდილება საკვანძო პოზიციებზე დიპლომატიურ სამსახურში და კორპორაციულ სექტორში.
მუშაობდა ბრიუსელში ევროკავშირთან საქართველოს მისიაში, საელჩოში ბელგიაში, ნიდერლანდებსა და ლუქსემბურგში. საქართველოს საგარეო საქმეთა სამინისტროში იყო ევროკავშირის და ორმხრივი ევროპული ურთიერთობების პოლიტიკური დეპარტამენტის დირექტორი.
შემდეგ მან მუშაობა გააგრძელა ჯიემთი ჯგუფის (თბილისი მერიოტი, ქორთიარდ მერიოტი, მოქსი მერიოტი, ფუნიკულორი და სხვა) ფინანსური დირექტორის თანამდებობაზე.
ჯიემთი ჯგუფის შემდეგ, ირაკლი იყო გამომცემლობა არტანუჯის დირექტორი.
ირაკლი ლაითაძემ დაამთავრა თბილისის სახელმწიფო უნივერსიტეტი (ეკონომიკური გეოგრაფია), მადრიდის დიპლომატიური სკოლა (MA) და კემბრიჯის უნივერსიტეტი (MBA). არის ჰუმანიტარულ მეცნიერებათა დოქტორი (Magna cum laude, თბილისის თავისუფალი უნივერსიტეტი), ილიას სახელმწიფო უნივერსიტეტის ასისტენტ-პროფესორი და მოწვეული ლექტორი თავისუფალ უნივერსიტეტში.
ჰყავს მეუღლე და ოთხი შვილი.
