ზურაბ ბარჯაძე არის ზოგადი ქირურგი, ონკოქირურგი და მკვლევარი. მას მიღებული აქვს უმაღლესი სამედიცინო განათლება თბილისის სახელმწიფო სამედიცინო უნივერსიტეტში. რის შემდეგაც გაიარა ზოგადი ქირურგიის რეზიდენტურა წმ. მიქაელ მთავარანგელოზის კლინიკაში.
მისი პროფესიული საქმიანობა მოიცავს როგორც პრაქტიკულ ქირურგიულ მოღვაწეობას, ისე აკადემიურ და სამეცნიერო-კვლევით საქმიანობას:
კლინიკური საქმიანობა: იკავებს ნიუ ვიჟენ საუნივერსიტეტო ჰოსპიტლის (მცხეთა) ზოგადი ქირურგის პოზიციას, ასევე მუშაობს ზოგად ქირურგად კ. ერისთავის სახელობის ქირურგიის ეროვნულ ცენტრში.
აკადემიური და სამეცნიერო საქმიანობა: ეწევა პედაგოგიურ საქმიანობას და ასწავლის ანატომიას ევროპის უნივერსიტეტში. ამასთანავე, არის თსსუ-ის ვ. ბახუტაშვილის სახელობის სამედიცინო ბიოტექნოლოგიის ინსტიტუტის ლაბორანტ-მკვლევარი.
საერთაშორისო აქტივობები: აქტიურადაა ჩართული საერთაშორისო სამეცნიერო პროექტებში, მათ შორის COST Action (DISSECT) პროგრამის ფარგლებში ონკოლოგიური ქირურგიის განათლებისა და კვლევების მიმართულებით.
