მალხაზ ბეგიაშვილი - დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი, ამავე უნივერსიტეტში დაამთავრა ასპირანტურა სამართლის თეორიისა და კონსტიტუციური სამართლის მიმართულებით. ასპირანტურის დამთავრების შემდეგ დაიცვა საკანდიდატო დისერტაცია თემაზე: სამართალშემოქმედების ძირითადი თეორიული საკითხები და კონსტიტუციური ფარგლები. მისი სამეცნიერო ხარისხი გათანაბრებულია სამართლის დოქტორის აკადემიურ ხარისხთან.
მალხაზ ბეგიაშვილმა კვალიფიკაციის ამაღლების მიზნით, სხვადასხვა დროს გაიარა საფრანგეთში სტრასბურგის ადამიანის უფლებათა საერთაშორისო ინსტიტუტში ადამიანის უფლებათა საერთაშორისო სამართლის კურსი. გარდა ამისა, გავლილი აქვს სტაჟირება ევროპის პარლამენტში როგორც ბრიუსელის, ისე ლუხემბურგის ოფისში. სამთვიანი ხელშეკრულება ჰქონდა გაფორმებული როგორც სტაჟიორს ვენეციის კომისიაში.
მალხაზ ბეგიაშვილს აქვს საჯარო სამსახურში მუშაობის ოთხწლიანი გამოცდილება, კერძოდ, ის იყო საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის წამყვანი სპეციალისტი. ასევე, მას აქვს საკმაო სამეცნიერო-პედაგოგიური გამოცდილება, 1999-2008 წლებში მუშაობდა ივანე ჯავახიშვილის სახელობის თბილისის სახელმწიფო უნივერსიტეტში ჯერ მასწავლებლად, შემდეგ დოცენტად და ასოცირებულ პროფესორად. საქართველოს უნივერსიტეტში მუშაობს 2008 წლიდან დღემდე. გამოქვეყნებული აქვს სამეცნიერო ნაშრომები.
ყოველივე აღნიშნული, მას საშუალებას აძლევს წარმატებით გაუძღვეს შესავალი სამართალმცოდნეობის, კონსტიტუციური სამართლისა და ადამიანის ძირითადი უფლებების სასწავლო კურსებს.
