არჩილ პაპუკაშვილი - მოწვეული ლექტორი - უძღვება კურსს „მათემატიკა ეკონომიკისა და ბიზნესისათვის 2“ ჯანდაცვის და ბიზნესის ადმინისტრირების ქართველი სტუდენტებისთვის, ასევე სხვა დროს (2012-2013 წლებში) კითხულობდა ლექციებსა და პრაქტიკულ მეცადინეობებს საგნებში „მათემატიკა ეკონომისტებისათვის 1“ და „რაოდენობრივი კვლევის საფუძვლები“. არჩილ პაპუკაშვილი არის მათემატიკის დოქტორი, ფიზიკა-მათემატიკის მეცნიერებათა კანდიდატი, აქვს დოცენტის სამეცნიერო-პედაგოგიური წოდება გამოთვლითი მათემატიკის სპეციალობით. დამთავრებული აქვს ივ.ჯავახიშვილის სახელობის თბილისის სახელმწიფო უნივერსიტეტის მექანიკა-მათემატიკის ფაკულტეტი გამოთვლითი მათემატიკის სპეციალობით. აქვს სამეცნიერო გრანტებში მონაწილეობისა და ხელმძღვანელობის გამოცდილება. არის 100-მდე სამეცნიერო სტატიის (ნაწილი შრომებისა გამოქვეყნებულია თეზისების სახით) ავტორი. მრავალი წლის განმავლობაში ივ.ჯავახიშვილის სახელობის თბილისის სახელმწიფო უნივერსიტეტში კითხულობდა ლექციებს და ატარებდა პრაქტიკულ მეცადინეობებს სხვადასხვა მათემატიკურ საგნებში მექანიკა-მათემატიკის, გამოყენებითი მათემატიკისა და კომპიუტერულ მეცნიერებათა, საერთაშორისო ბიზნესის, ზუსტ და საბუნებისმეტყველო მეცნიერებათა, ეკონომიკისა და ბიზნესის ფაკულტეტებზე. მისი ხელმძღვანელობით შესრულებულია მრავალი სადიპლომო, საბაკალავრო და სამაგისტრო ნაშრომი, ასევე ხელმძღვანელობდა ორ დოქტორანტს.
