შალვა ლაზარიაშვილი - 2018 წელს მიენიჭა საჯარო მმართველობის დოქტორის ხარისხი (PhD) საქართველოს ტექნიკურ უნივერსიტეტში. იგი ფლობს ივ. ჯავახიშვილის სახ. თბილისის სახელმწიფო უნივერსიტეტის მიერ გაცემულ მაგისტრის ხარისხს საერთაშორისო სამართალსა და ურთიერთობებში. დამთავრებული აქვს ივ. ჯავახიშვილის სახ. თბილისის სახელმწიფო უნივერსიტეტის ასპირანტურა საერთაშორისო საჯარო სამართლის მიმართულებით. სხვადასხვა პერიოდში მას გავლილი აქვს ტრენინგები და დამატებითი სასწავლო კურსები ისეთი მიმართულებებით, როგორიცაა გლობალური და რეგიონალური უსაფრთხოება, პოლიტიკური ფილოსოფია, მსოფლიო პარლამენტარიზმი, შრომითი სფეროს საერთაშორისო სტანდარტები, საჯარო სამსახურის კანონმდებლობა და ა.შ. გააჩნია საჯარო, არასამთავრობო და საერთაშორისო ორგანიზაციებში მუშაობის მრავალწლიანი გამოცდილება. გამოქვეყნებული აქვს პუბლიკაციები, კვლევები და სამეცნიერო სტატიები. ყოველივე ზემოაღნიშნული აძლევს შალვა ლაზარიაშვილს კომპეტენციას გაუძღვეს შემდეგ სალექციო კურსს: საჯარო მმართველობა.
