პროგრამის მიზანია კვალიფიციური, პროფესიული ზრდისა და შემდგომ ეტაპზე სწავლის უნარის მქონე ფარმაცევტი ბაკალავრის მომზადება, რომელსაც ექნება ფარმაკოლოგიის, პაციენტზე ორიენტირებული რაციონალური ფარმაკოთერაპიის, ფარმაცევტული დახმარებისა და ზრუნვის, ფარმაციის მიმართულებით კლინიკური კვლევების შედეგების გამოყენების, სამკურნალო საშუალებების დამზადების, ფარმაცევტული ანალიზის საბაზისო ცოდნა; ეთიკურ ღირებულებებზე დაყრდნობით ფარმაცევტული ინფორმაციის დამუშავებისა და გაცემის, ექიმი-ფარმაცევტი-პაციენტი მოდელის იმპლემენტაციის, პროფესიულ წრეებთან, საზოგადოებასთან კომუნიკაციის, ფარმაცევტული დაწესებულებების სტრუქტურული ერთეულების შესაბამის დონეზე მართვის უნარები.

• ფლობს, აღწერს და განასაზღვრავს ადამიანის ორგანიზმში მიმდინარე  ფიზიოლოგიური  და პათოლოგიური პროცესების, შინაგანი დაავადებების გამოკვლევისა და მკურნალობის მეთოდების ძირითად პრინციპებსა და თავისებურებებს;
• აღწერს, განმარტავს, განასხვავებს, ადარებს და მიმოიხილავს სასიცოცხლო პროცესების მოლეკულური მექანიზმების, მემკვიდრეობისა და ცვალებადობის კანონზომიერებებს, ფიზიოლოგიური  და პათოლოგიური პროცესებისა ძირითად საკითხებს;
• აღწერს, განიხილავს, განმარტავს და პროგნოზირებს ფარმაკოკინეტიკური და ფარმაკოდინამიკური პროცესების მიმდინარეობის თავისებურებებს სხვადასხვა კატეგორიის პაციენტებში (ბავშვები, მოზარდები, მოხუცები, ორსულები);
• ფლობს სამკურნალო მცენარეული ნედლეულის დამზადების, ექსტრაქციის, სტანდარტიზაციის, სამკურნალო ნივთიერებების გამოყოფისა და მათი  ქიმიური სტრუქტურის დადგენის მეთოდებს;
• შეუძლია ფარმაცევტული სააფთიაქო და საქარხნო ტექნოლოგიების კომპლექსური საკითხების: წამლის ფორმათა კლასიფიკაცია, დოზირება, წამალთა სააფთიაქო და საქარხნო ტექნოლოგია, ნორმატიულ-ტექნიკური დოკუმენტაცია - საბაზისო ცოდნის დემონსტრირება;
• აღწერს, განასხვავებს, ადარებს, აკლასიფიცირებს და ადგენს ფარმაკოლოგიური ჯგუფების, მათი მოქმედებისა და ურთიერთქმედების მექანიზმების,  მედიკამენტების დანიშვნის, ჩვენებების, უკუჩვენებების, გვერდითი ეფექტების და დოზირების სქემებს, ბიოტრანსფორმაციისა და ელიმინაციის გზების გათვალისწინებით;
• ფლობს ცოდნას ფარმაცევტულ დაწესებულებათა ნომენკლატურის; აფთიაქის მენეჯმენტის, როგორც ერთეულის, სტრუქტურის, ფუნქციების და ამოცანების; წამალთა შერჩევისა და უზრუნველყოფის; მედიკამენტებისა და სამედიცინო დანიშნულების საგნების შენახვისა და გაცემის საკითხების შესახებ.
• აცნობიერებს რაციონალური ფარმაკოთერაპიის მნიშვნელობას პოლიპრაგმაზიის, არაეფექტური, ტოქსიური და საფრთხისშემცველი მედიკამენტური მკურნალობის წარმართვისას;

• ამზადებს სამკურნალწამლო საშუალებებს, ექსტემპორალური დამზადების (რეცეპტის მიხედვით) წესის შესაბამისად;
• იყენებს ფარმაცევტული პროდუქციის სერიული წარმოების მეთოდებს;
• ახორციელებს სამკურნალწამლო პროდუქციის ქიმიურ, ბიოლოგიურ და ტოქსიკოლოგიურ ანალიზს/ტესტირებას;
• უზრუნველყოფს პაციენტთა ფარმაცევტულ ზრუნვასა და პირველად სამედიცინო დახმარებას სტაციონარულ და ამბულატორიულ დაწესებულებებში, „სათანადო ფარმაცევტული პრაქტიკის“ (GPP) საფუძველზე;
• აგროვებს, ამუშავებს, განმარტავს, აფასებს და აყალიბებს შესაბამის დასკვნებს ფარმაცევტული საქმიანობის (ფარმაცევტული პროდუქტების წარმოება, რეალიზაცია,  ფარმაცევტული ზრუნვა და მოვლა) განხორციელების მონაცემების შესახებ;
• აწარმოებს პროფესიულ ჩანაწერებს (ანგარიში, წინადადებები), ფარმაცევტულ საქმიანობასთან დაკავშირებული პრობლემური საკითხების გადაჭრის მიზნით;
• წარადგენს დეტალურ წერილობით და ზეპირსიტყვიერ ანგარიშებს სამედიცინო პერსონალისა და ჯანდაცვის სფეროს პროფესიონალებისათვის ფარმაცევტულ საქმიანობასთან დაკავშირებული საკითხების შესახებ.
• უზრუნველყოფს პაციენტის, ოჯახის წევრების, და ზოგადად, საზოგადოების ინფორმირებასა და განათლებას.

• აფასებს საკუთარი სწავლის პროცესს ფარმაცევტული საქმიანობის სფეროებში  და განსაზღვრავს შემდგომი სწავლის საჭიროებებს ფარმაკოკინეტიკის, ფარმაცევტული ტექნოლოგიის, ფარმაცვეტული ქიმიის, ფარმაცევტული ანალიზის, ფარმაკოგნოზიის, ფარმოკოთერაპიისა და კლინიკური ფარმაციის, ფარმაცევტული ზრუნვის, ფარმაცევტული საქმიანობის მენეჯმენტის მიმართულებით;
• უზრუნველყოფს ფარმაცევტულ პრაქტიკასა და კვლევებში პერსონალური მონაცემების დაცვის, პროფესიული, ეთიკური და სამართლებრივი (როგორც ადგილობრივი, ისე საერთაშორისო) ნორმების გათვალისწინებას და ისწრაფვის მათი პრაქტიკაში დამკვიდრებისათვის;