პროგრამის მიზანია საზოგადოებრივ ჯანდაცვაში ფართო პროფილის მეცნიერის მომზადება, რომელიც შეძლებს დარგში ახალი ცოდნის შექმნას, არსებული ცოდნის სტრუქტურულად გააზრებასა და გაფართოებას, რაც ხელს შეუწყობს ქვეყნის მოსახლეობის ჯანმრთელობისა და კეთილდღეობის ზრდას და, შესაბამისად, საზოგადოებრივი და გლობალური ჯანმრთელობის გაუმჯობესებას.

სადოქტორო პროგრამის კურსდამთავრებულს ექნება საზოგადოებრივ ჯანდაცვაში უახლეს მიღწევებზე დამყარებული ცოდნა, შეძლებს ინოვაციური ტექნოლოგიების გამოყენებით ჯანმრთელობის დეტერმინანტების კვლევას, მათი მართვის თანამედროვე მეთოდებით მიღებული შედეგების შეფასებას, საზოგადოებრივი ჯანმრთელობის დაცვის სასწავლო მოდულების შემუშავებასა და სწავლებას, საზოგადოებრივი ჯანდაცვის სფეროებში სამეცნიერო პროექტების მომზადებას და ჯანდაცვის მენეჯმენტის თანამედროვე მოთხოვნების შესაბამისად განახორციელებას. სადოქტორო პროგრამა კურსდამთავრებულს აძლევს უმაღლეს სასწავლო და კვლევით დაწესებულებებში, ჯანდაცვით ორგანიზაციებში, ჯანმრთელობის დაზღვევის სერვისების მქონე სადაზღვევო კომპანიებში, საერთაშორისო ორგანიზაციებში, სამთავრობო და არასამთავრობო სტრუქტურებში საზოგადოებრივი ჯანდაცვისა და გლობალურ ჯანმრთელობის პოლიტიკის, ჯანდაცვითი სერვისების ფორმირებისა და მართვის საკითხებთან დაკავშირებულ სამეცნიერო-კვლევით დაწესებულებებში მკვლევარის/ხელმძღვანელის/აკადემიურ პოზიციებზე მუშაობის შესაძლებლობას.

• კრიტიკულად აანალიზებს და აფასებს სისტემურ და უახლეს ცოდნას საზოგადოებრივი ჯანდაცვის, სისტემის/ების, სერვისების განვითარების გლობალური ჯანმრთელობის უახლესი ტენდეციებისა და მიდგომების, მოქმედების მრავალდარგობრივი მექანიზმისა და მტკიცებულებების შესახებ.
• კრიტიკულად აანალიზებს და აფასებს ჯანმრთელობის მეცნიერებებში თანამედროვე კვლევებში (მათ შორის, თვისებრივ კვლევებში) ძირითადად გამოყენებული კვლევის დიზაინის ტიპებს და ადგენს სისტემური არგუმენტის ვალიდურობას მეცნიერების ფილოსოფიის სხვადასხვა თეორიის ურთიერთშედარების დროს. · კრიტიკულად აანალიზებს და სისტემატიზირებას უკეთებს ცოდნას საზოგადოებრივი ჯანმრთელობისა და ჯანდაცვის პოლიტიკაში ინტერდისციპლინურ დონეზე (გარემოს ჯანმრთელობის, ჯანმრთელობის ხელშეწყობის, ეპიდემიოლოგიის, ქრონიკული და გადამდები დაავადებების მართვის სპეციფიკის, ჯანმრთელობის ფილოსფიისა და კვლევის ეთიკის, ჯანდაცვის სისტემებისა და სერვისების მიწოდების), ასევე თანამედროვე მოთხოვნების შესაბამისი სამეცნიერო ნაშრომების/პროექტების შემუშავებას, სწავლების აქტიურ სტრატეგიებსა და პედაგოგიური კომუნკაციის არსებით საკითხებს. · თვისობრივი და შერეული კვლევის მეთოდების გამოყენებით უზრუნველყოფს კვლევის დაგეგმვას, პროცესის წარმართვას, მონაცემთა მიღებასა და სიღრმისეულ ანალიზს.
• პრაქტიკაში იყენებს ეპიდემიოლოგიური და ბიოსტატისტიკური კვლევის მეთოდებს. · მონაწილეობს და გეგმავს საზოგადოებრივი, გლობალური და ინდივიდუალური სამედიცინო სერვისების თავისებურებების (სამართლიანობა, ხელმისაწვდომობა, სარგებლიანობა, მოცვადობა), ღონისძიებების შეფასების მიზნით კვლევებს და ახორციელებს კვლევით პროცესებზე ზედამხედველობას. · შეიმუშავებს საზოგადოებრივი ჯანდაცვის სისტემის გაუმჯობესების გზებს, შესაბამისი ჯანდაცვითი პროდუქტების ფორმირებისა და განვითარების მიზნით;
• ჯანმრთელობის ხელშეწყობისა და დაავადებათა სისტემური მართვისადმი მულტიდისციპლინური გზით ახალი ცოდნის შექმნაზე ორიენტირებულ კვლევით, პრაქტიკულ და გამოყენებით საკითხებს ეროვნულ და გლობალურ სტრატეგიებთან შესაბამისობით.
• კრიტიკულად აანალიზებს და შეიმუშავებს, მუდმივად ცვალებად გარემოში საზოგადოებრივ ჯანდაცვასა და გლობალურ ჯანმრთელობაში არსებული ცოდნისა და პრაქტიკის ახალი გამოწვევების შესაბამისად, საზოგადოებრივი ჯანმრთელობის დაცვის მიმართულებით აკადემიური და პროფესიული განვითარების საგანმანათლებლო პროგრამებს.
• იცავს აკადემიური და პროფესიული კეთილსინდისიერების პრინციპებს, ეთიკას.
• საზოგადოებრივ ჯანდაცვაში ინოვაციურობისა და დამოუკიდებლობის დემონსტრირებით გეგმავს და მართავს ახალი ცოდნის შექმნაზე ორიენტირებულ სამეცნიერო-კვლევით პროცესს და შეიმუშავებს უახლეს მიღწევებზე დამყარებულ კვლევით პროექტს/ნაშრომს.