მაგისტრანტთა საყურადღებოდ!

2022 – 2023 სასწავლო წლის სამაგისტრო პროგრამაზე ჩარიცხვის მიზნით უნივერსიტეტის მიერ განსაზღვრულ გამოცდაზე რეგისტრაციის, გამოცდის ჩატარების და საგანმანათლებლო პროგრამაზე  ჩარიცხვისათვის ადმინისტრაციული რეგისტრაციის წესისა და ვადების შესახებ.

1. საერთო სამაგისტრო გამოცდების შედეგების საფუძველზე, საქართველოს უნივერსიტეტში სწავლის უფლების მოპოვების მიზნით, მაგისტრანტობის კანდიდატი ვალდებულია:

• ჩააბაროს უნივერსიტეტისმიერ განსაზღვრული გამოცდა ინგლისურ ენაში; (ტესტის ნიმუში);
• გაიაროს გასაუბრება სპეციალობის მიხედვით.
გასაუბრების თემატიკები

ინფორმატიკა

სამაგისტრო პროგრამაზე მისაღები სპეციალობაში ზეპირი გასაუბრების საკითხები

1. დაპროგრამების ენები, სტრუქტურული დაპროგრამება, ობიექტზე ორიენტირებული დაპროგრამება
2. მონაცემთა ბაზების მართვის სისტემები, მონაცემთა ბაზების ცხრილები, რელაციური კავშირები, მონაცემთა ბაზების ადმინისტრირება
3. ვებ-დაპროგრამება და ვებ-დიზაინი
4. კომპიუტერული ქსელების ტოპოლოგია, დაპროექტება, შექმნა და ადმინისტრირება
5. სისტემური დაპროგრამების საკითხები და სისტემური ადმინისტრირება
6. გეოინფორმაციული სისტემები, სივრცული მონაცემთა ბაზები
7. კომპიუტერული გრაფიკული სისტემები
8. მობილური აპლიკაციების პლატფორმები
9. მიკროპროცესორული სისტემები
10. მათემატიკური და კომპიუტერული მოდელირების საკითხები

ბიზნესის ადმინისტრირება

ბიზნესის ადმინისტრირების სამაგისტრო პროგრამაზე მისაღებად ზეპირი გასაუბრების თემატიკა:

1. მენეჯმენტის ფუნქციები
2. მოტივაციის თეორიები მენეჯმენტში
3. ორგანიზაციული სტრუქტურები მენეჯმენტში
4. მოთხოვნა, მიწოდება, წონასწორობის წერტილი
5. ბაზრის სხვადასხვა ტიპები და მათი თავისებურებები: სრულყოფილი კონკურენცია, მონოპოლია, ოლიგოპოლია, მონოპოლისტური კონკურენცია
6. მარკეტინგული გარემოს ანალიზი. კომპანიის მიკროგარემო; კომპანიის მაკროგარემო
7. პროდუქტის და მომსახურების დახასიათება
8. საცალო და საბითუმო ვაჭრობა, B2B და B2C ბაზრები

საჯარო მმართველობა

გასაუბრება ტარდება აპლიკანტის ინტერესებისა და მოტივაციის გამოსავლენად.

გასაუბრებისას ყურადღება ექცევა შემდეგ საკითხებს:

1. აპლიკანტს შეუძლია არგუმენტირებულად წარმოადგინოს საჯარო ადმინისტრირების სფეროს შესწავლის მოტივაცია და ინტერესები.
2. აპლიკანტს შეუძლია წარსული აკადემიური და პროფესიული გამოცდილების (არსებობის შემთხვევაში), ასევე სამომავლო გეგმების შესახებ საკუთარი მოსაზრებების სტრუქტურირებულად და თანმიმდევრულად გადმოცემა.
3. აპლიკანტს გაცნობიერებული აქვს საჯარო ადმინისტრირების როლი და მნიშვნელობა პოლიტიკურ და საზოგადოებრივ ცხოვრებაში.
4. აპლიკანტს აქვს საქართველოში პოლიტიკურ-ადმინისტრაციული პროცესების შესახებ გამოხატული ინტერესი და შეუძლია აღნიშნულ საკითხებზე არგუმენტირებული მსჯელობა.
5. საბაზისო ცოდნა დემოკრატიული მმართველობის პრინციპების (Good Governance) საჯარო მმართველობის მიმდინარე რეფორმის (PAR), ღია მმართველობის პარტნიორობის (OGP) შესახებ, ასევე საჯარო სამსახურში ან არასამთავრობო ორგანიზაციაში მუშაობის გამოცდილება ჩაითვლება უპირატესობად.

ინგლისური ფილოლოგია

ინგლისური ფილოლოგიის სამაგისტრო პროგრამის გასაუბრების თემატიკა

1. ენისა და საზოგადოების მიმართება;
2. ენისა და მეტყველების მიმართება;
3. ენისა და აზროვნების მიმართება;
4. ენისა და კულტურის მიმართება;
5. ენა როგორც ღირებულებათა სისტემა;
6. ინტეგრაციისა და დიფერენციაციის პროცესები;
7. ენის ლექსიკურ-სემანტიკური სისტემის კვლევის მეთოდები;
8. ჰერმენევტიკული პროცესირების არსი;
9. ჟანრი და მისი მახასიათებლები;
10. ლიტერატურათმცოდნეობითი პროცესირების არსი;

ინგლისური ფილოლოგია (ინგ)

ინგლისური ფილოლოგიის ინგლისურენოვანი სამაგისტრო პროგრამის

გასაუბრების თემატიკა

1. Language and culture
2. Language and communication
3. Language and society
4. Language, culture, and literature
5. Language and speech
6. Language functions
7. Language and thought
8. Historical and fictional reality in a literary text
9. Genre, text, and discourse
10. Hermeneutics
11. Literature and culture
12. Semiotics
13. Relations between lexical units
14. Text as a system

საერთაშორისო ბიზნეს სამართალი

International Business Law

Interview exam questions

1. The Principle of Freedom of Contract
2. The principle of binding force of the contract
3. Interpretation of Contract
4. Formation of the contract under CISG
5. Availability of Remedies for breach of contract
6. Applicable law to corporate matters – real seat theory, incorporation theory
7. Freedom of establishment
8. Duty of Care
9. Duty of loyalty
10. Structural changes (mergers, sales, .. )
11. Liability of shareholders and directors

სამართალი

სამართლის სკოლა

სამართლის სამაგისტრო პროგრამა

1. კერძო სამართლის სუბიექტები;
2. გარიგებანი;
3. საკუთრების შინაარსი. საკუთრების შეძენა და დაკარგვა. სხვისი საკუთრებით შეზღუდული სარგებლობა;
4. საკუთრება, როგორც მოთხოვნის უზრუნველყოფის საშუალება;
5. ვალდებულების წარმოშობა, შესრულება, დარღვევა, მეორადი მოთხოვნები, ვალდებულების შეწყვეტა;
6. კანონისმიერი ვალდებულებები (დავალების გარეშე სხვისი საქმეების შესრულება, უსაფუძვლო გამდიდრება, დელიქტი);
7. მემკვიდრეობა კანონით და ანდერძით. სამკვიდროს მიღება და დაცვა;
8. მეწარმე სუბიექტების ზოგადი დახასიათება. მეწარმე სუბიექტების დაფუძნება. რეორგანიზაცია და ლიკვიდაცია;
9. მეწარმე სუბიექტების მართვის ორგანოები (ხელმძღვანელობა და წარმომადგენლობა. პარტნიორთა საერთო კრება. სამეთვალყურეო საბჭო);
10. სამოქალაქო სამართალწარმოების ძირითადი პრინციპები;
11. სასამართლოს უწყებრივი ქვემდებარეობა და განსჯადობა სამოქალაქო პროცესში;
12. სასარჩელო წარმოება სამოქალაქო პროცესში (სარჩელის აღძვრა. სარჩელის მიღება. მიღებაზე უარი. სარჩელისაგან მოპასუხის თავდაცვის საშუალებები. სარჩელის უზრუნველყოფა. საქმის მომზადება მთავარ სხდომაზე განსახილველად. მთავარი სხდომა. სასამართლო გადაწყვეტილება);
13. აპელაცია და კასაცია სამოქალაქო სამართალწარმოებაში.
14. სისხლის სამართლის ფუნქცია თანამედროვე საზოგადოებაში;
15. დანაშაულის სამსაფეხურიანი აგებულების თავისებურებები;
16. დანაშაულის სუბიექტური ელემენტები და მათი მნიშვნელობა;
17. აუცილებელი მოგერიებისა და უკიდურესი აუცილებლობის გამიჯვნა;
18. დაზარალებულის თანხმობა, როგორც მართლწინააღმდეგობის გამომრიცხავი გარემოება;
19. ბრალის გამომრიცხავი ზეკანონიერი გარემოებები;
20. შუალობითი ამსრულებლობის პრობლემატიკა;
21. მკვლელობა დამამძიმებელ გარემოებებში - ცალკეული ნიშნების დახასიათება;
22. საკუთრების წინააღმდეგ მიმართული დანაშაულები და მათი გამიჯვნა ერთმანეთისგან;
23. სქესობრივი დანაშაულები;
24. შეჯიბრობითობის არსი სისხლის სამართლის პროცესში;
25. ადამიანის უფლებათა ევროპული კონვენციის გავლენები ქართულ სისხლის სამართლის პროცესზე;
26. დისკრეციული დევნის არსი სისხლის სამართლის პროცესში;
27. კონსტიტუცია, დამფუძნებელი აქტი;
28. აჭარის ავტონომიური რესპუბლიკის სტატუსი;
29. სამართლებრივი სახელმწიფო;
30. 1995 წლის კონსტიტუცია და მისი განვითარება;
31. კონსტიტუცია და ადგილობრივი თვითმმართველობები;
32. ტერიტორიულ-სახელმწიფოებრივი მოწყობა;
33. სუვერენული ხალხი (საარჩევნო უფლება, საქართველოში მოქმედი საარჩევნო სისტემები, უშუალო დემოკრატია და წარმომადგენლობითი დემოკრატია);
34. საქართველოს პრეზიდენტი;
35. საქართველოს მთავრობა;
36. საქართველოს პარლამენტი;
37. საერთო სასამართლოები;
38. საკონსტიტუციო სასამართლო;
39. პოლიტიკური პარტიების შექმნისა და საქმიანობის თავისუფლება;
40. საარჩევნო კამპანიის დაფინანსება და კონტროლი;
41. ადამიანის ძირითადი უფლებები, როგორც უშუალოდ მოქმედი სამართალი;
42. თავისუფლებისა და თანასწორობის ძირითადი უფლებების დარღვევის შემოწმების მეთოდები;
43. სიცოცხლის უფლება;
44. ღირსების ძირითადი უფლება;
45. პირადი ცხოვრების ხელშეუხებლობის უფლება;
46. თავისუფლების ძირითადი უფლება;
47. რელიგიის თავისუფლება;
48. გამოხატვის თავისუფლება;
49. შეკრებებისა და მანიფესტაციების ძირითადი უფლება;
50. საკუთრების ძირითადი უფლება;
51. თანასწორობის ძირითადი უფლებები;
52. სამართლიანი სასამართლოს ძირითადი უფლება;
53. ნორმატიულ და ინდივიდუალური ადმინისტრაციულ-სამართლებრივი აქტი;
54. ადმინისტრაციულ-სამართლებრივი აქტის გამოცემის და აღსრულების წესი.
55. ადმინისტრაციული საჩივარი;
56. ადმინისტრაციული სარჩელი.

სამართალი და ეკონომიკა

გასაუბრების თემატიკა. „სამართალი და ეკონომიკა“

1. მეთოდოლოგიური ინდივიდუალიზმი და სუბიექტივიზმი
2. ალტერნატიული დანახარჯი
3. მოთხოვა და მიწოდება
4. ფასი და მისი როლი ეკონომიკაში
5. ფასების რეგულირება
6. შუამავლები და სპეკულანტები
7. კონკურენცია და მონოპოლია
8. გარეგანი ეფექტები
9. მშპ, უმუშევრობა, ინფლაცია
10. საბანკო სისტემა და ფულის მულტიფლიცირება

საქართველოს ისტორია

საქართველოს ისტორიის საკითხები მაგისტრატურაში შემსვლელთათვის

1. საქართველოს ისტორიის ძველი ბერძნული წყაროები;
2. V-VIII საუკუნეების სომხური წყაროები საქართველოს შესახებ;
3. XIII-XV საუკუნეების არაბი ისტორიკოსები საქართველოს შესახებ;
4. ოსმალური და სპარსული საისტორიო მწერლობა საქართველოს შესახებ;
5. საქართველო XVII ს-ის ევროპელ მისიონერთა და მოგზაურთა თხზულებებში;
6. შუა საუკუნეების ქართული ისტორიოგრაფიის თავისებურებები და მეთოდები;
7. ახალი და უახლესი პერიოდის ქართული ისტორიოგრაფიის თავისებურებები და მეთოდები;
8. "ქართველთა ცხოვრების" შედგენილობა, ავტორები და წყაროები;.
9. საქართველოს პოლიტიკური ისტორიის საკითხები (პოლიტიკური და სახელმწიფო ინსტიტუტები, მეფის ხელისუფლება, მმართველობის ცენტრალური და ადგილობრივი აპარატი);
10. ქართული სამართლის ძეგლები;
11. საქართველო-რუსეთის ურთიერთობა XVIII-XIX საუკუნეებში (ვახტანგ VI-ის, თეიმურაზ II-ისა და ერეკლე II-ის საგარეო პოლიტიკა; "გეორგიევსკის ტრაქტატი", მისი წინაპირობები და შედეგები; რუსთის მიერ აღმოსავლეთ და დასავლეთ საქართველოს ოკუპაცია და მათ მიერ დამყარეული მმართველობა; ქართველი ხალხის ბრძოლა რუსეთის სამხედრო-საოკუპაციო რეჟიმის წინააღმდეგ XIX ს-ში).
12. საქართველო 1918-1921 წლებში;
13. საქართველო XX ს-ის 20-30-იან წლებში (ხელახალი ოკუპაცია საბჭოთა რუსეთის მიერ; ბრძოლა დამოუკიდებლობის აღდგენისთვის 1921-1924 წლებში; კოლექტივიზაცია და მისი შედეგები; 30-იანი წლების რეპრესიები).
14. საქართველოს საზღვრების საკითხი საბჭოთა ოკუპაციის შემდეგ და მისი გადაწყვეტა მეზობელი სახელმწიფოების სასარგებლოდ;
15. ქართველები II მსოფლიო ომში;
16. ეროვნული მოძრაობა II მსოფლიო ომის შემდეგ (1956 წ. 9 მარტი, 1978 წლის 14 აპრილი, 1989 წლის 9 აპრილი, სახელმწიფოებრივი დამოუკიდებლობის აღდგენა, ეროვნული ხელისუფლება ქვეყნის სათავეში, სსრკ-ს დაშლა).
17. საქართველო 90-იან წლებში. ომი რუსეთთან აფხაზეთისა და ე.წ. სამხრეთ ოსეთის ავტონომიური ოლქის გამო.
18. "ვარდების რევოლუცია" , "ერთიანი ნაციონალური მოძრაობის" მოსვლა ხელისუფლებაში და მისი მმართველობის შედეგები.

ქართული ფილოლოგია

ქართული ენა და ლიტერატურა

• ქართული სალიტერატურო ენის განვითარების ისტორია და მნიშვნელოვანი მოვლენები;
• ქართული დამწერლობის წარმოშობის თეორიები; ძველი ქართული დამწერლობის სახეობები;
• ქართული ენის ფორმაუცვლელი და ფორმაცვალებადი სიტყვების მორფოლოგიური თავისებურებები;
• სიტყვათა სინტაქსური შეკავშირების სახეები და წინადადების წევრები; წინადადებათა შედგენილობა და კონსტრუქცია;
• აგიოგრაფიული მწერლობა;
• "ვეფხისტყაოსანი" - პოემის მხატვრული ღირსება;
• XIX საუკუნის ქართული მწერლობა;
• XX საუკუნის ქართული მწერლობა;
• ქართული მითოლოგია და ზეპირსიტყვიერება.

გამოყენებითი ფსიქოლოგია

გამოყენებითი ფსიქოლოგიის სამაგისტრო პროგრამის საგამოცდო საკითხები:

1.ბავშვთა და მოზარდთა ფსიქოლოგიის კონცენტრაცია

1. ბავშვთა და მოზარდთა ფსიქოლოგიის აქტუალობა და მნიშვნელოვნება რეალობაში
2. ადრეული, შუა და მოზარდობის ასაკისთვის დამახასიათებელი ძირითადი მარკერები, როგორც განვითარების პროცესის ინდიკატორი
3. გარემო და გენეტიკა; მათი როლი პიროვნების ჩამოყალიბებაში
4. ბავშვის განვითარების სფეროები: რას მოიცავს თითოეული მათგანი, რატომ ატარებს ეს დაყოფა პირობით ხასიათს, რა გავლენას ახდენს ერთი სფეროს განვითარება, სხვა სფეროების შესაბამისი უნარების განვითარებაზე;
5. კვლევის მეთოდები განვითარების ფსიქოლოგიაში
6. ნორმა და ნორმიდან გადახრა განვითარების პროცესში. განვითარებაზე ზემოქმედი ფაქტორები.

ლიტერატურა:

ლორა ბერკი -"ბავშვის განვითარება", თბილისი : ილიას სახელმწიფო უნივერსიტეტი, 2010.

მანანა მელიქიშვილი,განვითარების ფსიქოლოგია, თბილისი, 2010

Human Development (9th Edition) 9th Edition by Grace J. Craig (Author), Don Baucum (Author)

თ. გაგოშიძე ,, ბავშის განვითარების დარღვევები”

2. კლინიკური ფსიქოლოგიის კონცენტრაცია

1. კლინიკური ფსიქოლოგიის დარგის განსაზღვრება, ძირითადი ცნებები, კლინიკური ფსიქოლოგია და მომიჯნავე დისციპლინები, კლინიკური ფსიქოლოგია და ფსიქოთერაპია, კლინიკური ფსიქოლოგიის ისტორია, კლინიკური ფსიქოლოგიის სტრუქტურა
2. პათოფსიქოლოგია: წარსული და აწმყო, დაავადება და ავადმყოფობა, ნორმა და პათოლოგია, კლასიფიკაციის პრინციპები და ფსიქოპათოლოგიის საკლასიფიკაციო სისტემები, შეფასებისადმი მიდგომები, ფსიქიკური პათოლოგიის გამოვლენა და მისი მკურნალობა
3. თავის ტვინის ჰემისფეროთა ასიმეტრიისა და ჰემისფეროთაშორისი ურთიერთქმედების პრობლემა

ლიტერატურა:

1. file:///C:/Users/igrebi.com/Desktop/%E1%83%97%E1%83%90%E1%83%95%E1%83%98%E1%83%A1%20%E1%83%A2%E1%83%95%E1%83%98%E1%83%9C%E1%83%98%E1%83%A1%20%E1%83%A4%E1%83%A3%E1%83%9C%E1%83%A5%E1%83%AA%E1%83%98%E1%83%A3%E1%83%A0%E1%83%98%20%E1%83%90%E1%83%A1%E1%83%98%E1%83%9B%E1%83%94%E1%83%A2%E1%83%A0%E1%83%98%E1%83%90.pdf გვ 1-14
2. https://sites.google.com/site/psyge2011/biblioteka/patopsikologia
3. კლინიკური ფსიქოლოგიის ისტორიული კონტექსტი.docx გვ 1- 22
4. https://sites.google.com/site/psyge2011/biblioteka/patopsikologia
5. რიდერი პათოფსიქოლოგიაში.doc გვ 1-18

3. შრომისა და ორგანიზაციის ფსიქოლოგიის კონცენტრაცია

4. შრომისა და ორგანიზაციის ფსიქოლოგიის მნიშვნელობა თანამედროვე ბიზნეს გარემოში;
5. ადამიანური რესურსების მენეჯერის ფუნქციები და როლი ორგანიზაციაში;
6. ადამიანური რესურსების მართვის ფუნქციური მიმართულებები;
7. შრომისა და ორგანიზაციის ფსიქოლოგიის კვლევის მეთოდები;
8. ორგანიზაციაში შეფასების სისტემების დანერგვა და გამოყენება;
   

ლიტერატურა:

1. "ადამიანური რესურსის მენეჯმენტი", ია კუტალაძე, 1999წ.
2. Industrial/Organizational Psychology: An Applied Approach, Michael G. Aamodt, 2012

რეკლამა და საზოგადოებასთან ურთიერთობა

რეკლამა და საზოგადოებასთან ურთიერთობის სამაგისტრო პროგრამის გასაუბრების თემატიკა

გასაუბრების ფარგლებში კანდიდატებს ევალებათ გადაჭრან PR/სარეკლამო ხასიათის ქეისი, კერძოდ, ისინი გაეცნობიან კონკრეტული კომპანიის/სოციალური საკითხის ირგვლივ არსებულ სიტუაციურ ანალიზს - მეორადი და პირველადი კვლევის ძირითადად მიგნებებეს და უნდა დაგეგმონ კამპანია, იმჯელონ და წარმოადგინონ საკუთარი ხედვები. დავალების მონახაზის შესაქმნელად კანდიდატებს მიეცემათ 40 წუთი, რის შემდეგაც უშუალოდ ზეპირი გასაუბრების დროს უნდა დაასაბუთონ საკუთარი მიდგომები.

დაგეგმილი კამპანია უნდა მოიცავდეს შემდეგ კომპონენტებს:

• კამპანიის მიზანი და ამოცანები
• მიზნობრივი აუდიტორია
• კამპანიის ძირითადი სლოგანი
• საკომუნიკაციო არხები და მათი დეტალური შინაარსობრივი განხილვა

შეფასების კრიტერიუმები:

• კამპანიის მიზანში აქცენტი გაკეთებულია კონკრეტული პრობლემის გადაჭრაზე ან/და შესაძლებლობის გამოყენებაზე, რაც უშუალო ბმაშია სიტუაციურ ანალიზში მოცემულ ინფორმაციასთან და ეფუძნება კვლევის მონაცემებს
• კამპანიის ამოცანები არის გაზომვადი, დროში განსაზღვრული, კონკრეტული, რეალისტური და მიღწევადი
• მიზნობრივი აუდიტორია კონკრეტულად და მკაფიოდ არის აღწერილი დემოგრაფიული და ფსიქოგრაფიული მახასიათებლებით
• კამპანიის სლოგანი ნათლად გამოხატავს კამპანიის სათქმელს და იდეას, დატვირთულია რაციონალური/ემოციური შინაარსით, ორიენტირებულია მომხმარებლისთვის სარგებლის კომუნიკაციაზე და ემსახურება კამპანიის ფარგლებში დასახული მიზნის მიღწევას
• განსაზღვრულია არა მხოლოდ კონკრეტული საკომუნიკაციო არხები (მაგალითად, ტელევიზია, სოციალური მედია), არამედ წარმოდგენილია შერჩეულ საკომუნიკაციო არხებში კონკრეტული აქტიობების შინაარსი (რა კონცეფციის სიუჟეტი/რეკლამა, ღონისძიება თუ სხვა იქნება კონკრეტულად). საკომუნიკაციო არხების შინაარსი ორიენტირებული სლოგანის კომუნიკაციაზე და სამიზნე სეგმენტის შესაბამისად არის განსაზღვრული, ლოგიკურად არის დაკავშირებული მიზნისა და თითოეული ამოცანის მიღწევასთან.

საზოგადოებრივი ჯანმრთელობისა და ჯანდაცვის პოლიტიკა

პროგრამა: საზოგადოებრივი ჯანმრთელობისა და ჯანდაცვის პოლიტიკა

(ხელ-ები: თ.ლობჯანიძე, პროფ. ვ.ტყეშელაშვილი)

გასაუბრების თემები:

1. საზოგადოებრივი ჯანმრთელობის განსაზღვრა/ცნება,
2. მოსახლების ჯანმრთელობის გაზომვები და შეფასებები,
3. ინფექციური და არაინფექციური დაავადებების მართვის ძირითადი საკითხები,
4. გარემოს ჯანმრთელობა,
5. საზოგადოებრივი ჯანმრთელობის სისტემების ორგანიზება,
6. ჯანმრთელობის გლობალიზაცია და პრიორიტეტები,
7. ჯანდაცვის ეკონომიკის ძირითადი ცნებები.
8. საქართველოს საზოგადოებრივი ჯანდაცვა-ძირითადი პრინციპები.

გასაუბრება გავლილია თუ აპლიკანტს აქვს აღნიშნული თემატიკის ძირითადი საკითხების შესახებ ცოდნა (მაქსიმუმ 40 ქულა)ქვს ფაქტების დაკავშირებისა და ანალიზის უნარი ( მაქსიმუმ 40), მოტივაცია, მასზედ თუ რატომ უნდა დაეუფლოს საზოგადოებრივი ჯანდაცვის პროფესიას, რომელსაც წარმოადგენს წერილობით და ზეპირსიტყვიერად გააკეთებს პრეზენტაციას (მაქსიმუმ 20 ). გასაუბრება გავლილია თუ აპლიკანტმა მიიღო 51 ქულა და მეტი შეფასება 100 ქულიდან.

შეფასების კრიტერიუმები: 100 ქულა - ფლობს საკითხს, არ აქვს ხარვეზები და უზუსტობანი, 75 ქულა - ფლობს საკითს, არ აქვს ხარვეზები და შეინიშნება არა არსებითი ხასიათის მცირე გადაცდომები, 50 ქულა- ნაწილობრივ ფლობს საკითხს, აქვს მცირე ხარვეზები, უშვებს არაარსებითი ხასიათის უზუსტობებს, 25 ქულა - სუსტად ფლობს საკითხს, აქვს მცირე ხარვეზები, უზუსტობანი, 0 ქულა - ვერ ფლობს საკითხს, ან აქვს არსებითი ხარვეზები და უზუსტობანი.

ლიტერატურა:

თ. ტულჩინსკი, ე. ვარავიკოვა. (2012) ახალი საზოგადოებრივი ჯანმრთელობა",

ვებ-გვერდები: www.ncdc.ge www.moh.gov.ge; www.who.int.

გლობალური და უსაფრთხოების სწავლებები

გლობალური და უსაფრთხოების სწავლებები

საერთაშორისო ურთიერთობების თეორიული საფუძლები, საერთაშორისო ორგანიზაციების და ინსტიტუტების როლი გლობალური და რეგიონალური პოლიტიკის წარმართვაში.

უსაფრთხოების საკითხები, სახელმწიფო და საგარეო პოლიტიკის კონტექტში.

განათლების ადმინისტრირება

განათლების ადმინისტრაციის პროგრამა

შეკითხვები კანდიდატთა შესარჩევი გასაუბრებისათვის:

1. როგორ გესმით ცნება - "ხარისხიანი განათლება"?

What does "quality education” means to you?

2. როგორია სწავლების თქვენი ფილოსოფია? რა პრინციპებს უნდა ეყრდნობოდეს და რა სასწავლო პრაქტიკას უნდა მისდევდეს თანამედროვე სწავლება?

What is your philosophy of education?

3. მართვის რომელი მოდელი მიგაჩნიათ გამართლებულად სკოლაში / უნივერსიტეტში - დემოკრატიურლი, ავტორიტეტული, ავტორიტარული თუ ლიბერალური? რატომ? Which model of school / University management do you consider "right” – so called democratic, authoritative, authoritarian, or liberal? Why?
4. რას ფიქრობთ საქართველოს / თქვენი ქვეყნის განათლების სისტემაზე? როგორია მისი ძლიერი და სუსტი მხარეები?

What do you think about the system of education in your country? What are its strengths and weaknesses?

5. რომელი ქვეყნის განათლების სისტემა მიგაჩნიათ სამაგალითოთ და რატომ?

Which country has the best system of education? What are its strengths?

6. უნდა იყოს თუ არა განათლება ფასიანი? რატომ?

Should the education be free? Why or why not?

7. რა სახის გამოწვევებს ხედავთ თანამედროვე სასკოლო და საუნივერსიტეტო განათლების სფეროში?

What are the challenges for the contemporary school and University level education?

8. როგორ შეიძლება შეიცვალოს განათლება საინფორმაციო და კომპიუტერული ტექნოლოგიების დახმარებით?

How can ICT help change the essence and quality of education?

9. როგორი იქნება მომავლის განათლება?

How do you see the future of education?

10. რისთვის არის მნიშვნელოვანი განათლების პოლოტიკა?

Why is the Education Policy important?

არქეოლოგია

გასაუბრების თემატიკები საქართველოს უნივერსიტეტის არქეოლოგიის სამაგისტრო პროგრამისთვის

1. არქეოლოგიური მეცნიერების მოკლე მიმოხილვა და განვითარების ისტორია საქართველოში.
2. საქართველოს არქეოლოგიის პერიოდიზაცია-ქრონოლოგია.
3. საქართველოს ქვის ხანის ძეგლები, მათი გავრცელების არეალი და მნიშვნელოვანი აღმოჩენები (საკაჟია, ძუძუანა, დმანისი).
4. ქვემო ქართლის ადრესამიწადმოქმედო კულტურა და გორა ნამოსახლარების (არუხლო, გადაჭრილი გორა და სხვ.) ინტერდისციპლინური კვლევები.
5. საქართველოსა და კავკასიის ბრინჯაოს ხანის კულტურები, მათი მიმოხილვა და პერიოდიზაცია.
6. გვიანი ბრინჯაოს ხანის კულტურები საქართველოს ტერიტორიაზე (კოლხური კულტურა და იორი-ალაზნის კულტურა).
7. პირველი სახელმწიფოებრივი წარმონაქმნები საქართველოს ტერიტორიაზე არქეოლოგიური მასალების მიხედვით.
8. ძველ აღმოსავლური და დასავლური წყაროები საქართველოს ტერიტორიაზე მოსახლე ტომებისა და ტომთა გაერთიანებების შესახებ
9. კოლხეთის სამეფო ძველბერძნულ მითოსსა და წყაროებში (ჰომეროსი, ჰეროდოტე, აპოლონიოს როდოსელი, ქსენოფონტე, სტრაბონი და სხვ.)
10. საქართველოს ტერიტორიაზე ცნობილი კლასიკური ხანის უმთავრესი ძეგლების ზოგადი მიმოხილვა, პერიოდიზაცია, არქეოლოგიური მასალა.
11. რომაული პერიოდის არქეოლოგიური ძეგლები საქართველოში, მათი ქრონოლოგია-პერიოდიზაცია და მნიშვნელოვანი არტეფაქტები
12. საქართველოს შუა საუკუნეების არქეოლოგიის პერიოდიზაცია და ზოგადი მიმოხილვა.
13. ადრეული შუა საუკუნეების ადგილობრივი და იმპორტული არქეოლოგიური მასალა საქართველოში (ზოგადი მიმოხილვა/დახასიათება)
14. განვითარებული შუა საუკუნეების არქეოლოგიური ძეგლები საქართველოში (ნამონასტრალები, ნაქალაქარები, ნასოფლარები, ციხე-სიმაგრეები), მათი ზოგადი მიმოხილვა
15. გვიანდელი შუა საუკუნეების არქეოლოგიური ძეგლები საქართველოდან (აბანოები, ჰიდროლოგიური ნაგებობები, მონასტრები, ნასოფლარები, სამაროვნები) და მათი ზოგადი მიმოხილვა

ბლოკჩეინი - დეცენტრალიზებული ინფორმაციული სისტემები

საქართველოს უნივერსიტეტის IT მაგისტრატურის კონკურსანტებთან გასაუბრების თემატიკა

1. დაპროგრამების ენები, სტრუქტურული დაპროგრამება, ობიექტზე ორიენტირებული დაპროგრამება
2. მონაცემთა ბაზების მართვის სისტემები, მონაცემთა ბაზების ცხრილები, რელაციური კავშირები, მონაცემთა ბაზების ადმინისტრირება
3. ვებ-დაპროგრამება და ვებ-დიზაინი
4. კომპიუტერული ქსელების ტოპოლოგია, დაპროექტება, შექმნა და ადმინისტრირება
5. სისტემური დაპროგრამების საკითხები და სისტემური ადმინისტრირება
6. გეოინფორმაციული სისტემები, სივრცული მონაცემთა ბაზები
7. კომპიუტერული გრაფიკული სისტემები
8. მობილური აპლიკაციების პლატფორმები
9. მიკროპროცესორული სისტემები
10. მათემატიკური და კომპიუტერული მოდელირების საკითხები

IT მენეჯმენტი

ინფორმაციული ტექნოლოგიების მენეჯმენტის მაგისტრატურის კონკურსანტებთან გასაუბრების საკითხები

1. ობიექტზე ორიენტირებული დაპროგრამების სამი ძირითადი კონცეფცია და მათი იმპლემენტაცია კონკრეტულ მაგალითზე;
2. ალგორითმის რიგი, სხვადასხვა რიგის მქონე დალაგების ალგორითმების ჩამოთვლა და მათ შორის პრინციპული განსხვავებების მითითება, ზოგიერთი მნიშვნელოვანი მონაცემთა სტრუქტურის ჩამოთვლა (სტეკი, რიგი, ძიების ორობითი ხე და ა.შ.);
3. რელაციური მონაცემთა ბაზები და მათი სამი ნორმალური ფორმის განმარტება;
4. ალბათობის თეორიის ელემენტები (ხდომილება, შემთხვვითი სიდიდე, მათემატიკური ლოდინი, დისპერსია), მათემატიკური ლოგიკის ელემენტარული ოპერაციები (უარყოფა, კონიუნქცია, დიზიუნქცია);
5. OSI მოდელი, TCP/IP პროტოკოლების სტეკი, VLAN და კომუტაცია,
6. მარშრუტიზატორებისა და კომუტატორების კონფიგურაციის საფუძვლები.
7. რომელი სერვისების მართვის პროცესებია/პრაქტიკებია თქვენთვის ცნობილი?
8. რა არის IT მმართველობის მიზანი?
9. შეესაბამება თუ ეწინააღმდეგება ერთმანეთს DevOps და Agile სტრატეგიები?

2. უნივერსიტეტის მიერ განსაზღვრულ გამოცდაზე მაგისტრანტობის კანდიდატთა რეგისტრაციის ვადა განისაზღვროს 30 აგვისტოდან 8 სექტემბრის ჩათვლით. რეგისტრაცია ჩატარდეს ორშაბათიდან პარასკევის ჩათვლით, 18:00 საათიდან 21:00 საათამდე შემდეგ მისამართზე: ქ. თბილისი, კოსტავას ქ. 77, IV სასწავლო კორპუსი, II სართული, ოთახი #-201.
3. მაგისტრანტობის კანდიდატი ვალდებულია უნივერსიტეტის მიერ განსაზღვრულ გამოცდაზე გასვლის მიზნით რეგისტრაციისას წარმოადგინოს:

• გამოცდის საფასურის ქვითარი (20 ლარი);

შენიშვნა: საქართველოს უნივერსიტეტის კურსდამთავრებულები ენის გამოცდიდან თავისუფლდებიან თუ დახურული აქვთ B2 დონე ინგლისური.

• საგამოცდო-საიდენტიფიკაციო ბარათი და ელ. ვერსია CD-ზე ჩაწერილი JPG ფორმატში;
• პირადობის დამადასტურებელი დოკუმენტის ასლი და ელ. ვერსია CD-ზე ჩაწერილი JPG ფორმატში;
• ბაკალავრის დიპლომის ნოტარიული ასლი და ელ. ვერსია CD-ზე ჩაწერილი JPG ფორმატში;
• სამხედრო აღრიცხვაზე ყოფნის დამადასტურებელი დოკუმენტის ასლი (ვაჟების შემთხვევაში) და ელ. ვერსია CD-ზე ჩაწერილი JPG ფორმატში;
• ფოტოსურათი (3X4) 1 ცალი და ელ. ვერსია CD-ზე ჩაწერილი JPG ფორმატში;
• CV ფოტოსურათით და სამოტივაციო წერილი (წარმოსადგენია მხოლოდ გასაუბრებაზე)

სასურველია ყველა სარეგისტრაციო დოკუმენტი ჩაწერილი იყოს ერთ CD-ზე.

4. უნივერსიტეტის მიერ განსაზღვრული გამოცდა ჩატარდეს 9 სექტემბერს, 10:00 საათზე, მისამართზე: ქ.თბილისი, კოსტავას ქ. 77ა, IV სასწავლო კორპუსში, ოთახი #-407.
5. უნივერსიტეტის მიერ განსაზღვრული გასაუბრება ჩატარდეს 13, 14 და 15 სექტემბერს, მისამართზე: ქ.თბილისი, კოსტავას ქ. 77ა,  IV სასწავლო კორპუსში.

შენიშვნა: რეკლამა და საზოგადოებასთან ურთიერთობების პროგრამაზე გასაუბრების თემატიკა იქნება კონკრეტული ქეისების განხილვა.

• სოციალურ მეცნიერებათა სკოლა: ოთახი #704; 707; (IV კორპუსი);
• სამართლის სკოლა: ოთახი #427 (IV კორპუსი);
• ბიზნესის ადმინისტრირების სამაგისტრო პროგრამა - 327 აუდიტორია (ბიზნესის და ადმინისტრაციულ მეცნიერებათა სკოლა )

       საჯარო მმართველობის სამაგისტრო პროგრამა 327 ოთახი (ბიზნესის და ადმინისტრაციულ მეცნიერებათა სკოლა )

• ჯანმრთელობის მეცნიერებების სკოლა: ოთახი #302 (I კორპუსი);
• მეცნიერებისა და ტექნოლოგიების სკოლა: ოთახი #303 (IV კორპუსი);
• ხელოვნებისა და ჰუმანიტარულ მეცნიერებათა სკოლა: ოთახი #606 (IV კორპუსი);
• საქართველოს ისტორია - გასაუბრება #524-ე ოთახში (IV კორპუსი);

6. გამოყენებითი ფსიქოლოგიის ორ მიმართულებაზე - ბავშვთა და მოზარდთა ფსიქოლოგიის კონცენტრაციასა და კლინიკური ფსიქოლოგიის კონსტულაციაზე ჩარიცხვის წინაპირობაა ფსიქოლოგიის ბაკალავრის დიპლომი.
7. განათლების ადმინისტრირების პროგრამაზე ინგლისური ენის ცოდნის მინიმალური დონეა- B2.
8. სამართლის (ქართულენოვანი) და საერთაშორისო ბიზნეს სამართლის სამაგისტრო პროგრამაზე მიღების წინაპირობა არის სამართლის ბაკალავრის ხარისხი. პროგრამებზე: ა) სამართალი და ეკონომიკა, ბ) სამართალი და გ) საერთაშორისო ბიზნეს სამართალი, გარდა უცხო ენის გამოცდისა, ბარდება გამოცდა სპეციალობაში (ზეპირი). ამასთან სპეციალობის გამოცდა საერთაშორისო ბიზნეს სამართალში ბარდება ინგლისურ ენაზე.

9. საერთაშორისო ბიზნეს სამართლის პროგრამაზე ინგლისური ენის ცოდნის მინიმალური დონეა- B2, რაც განისაზღვრება:
   ან ა) საუნივერსიტეტო გამოცდით, მინიმუმ 70%-იანი ბარიერის გადალახვის შემთხვევაში
   ან ბ) საერთაშორისოდ აღიარებული ენის გამოცდების (IELTS, TOEFL ან Cambridge English Exam-ის წარმატებით ჩაბარების დამადასტურებელი დოკუმენტის წარმოდგენით (ინგლისური ენის B2 დონის შესაბამისი ქულაა IELTS – 6 და მეტი ქულა; TOEFL 85 და მეტი ქულა, Cambridge English Exam -170 და მეტი ქულა);
   ან გ) ბაკალავრატში ინგლისურ ენაზე სწავლის დამადასტურებელი დოკუმენტის საფუძველზე.
10. სამართლის პროგრამაზე ინგლისური ენის ცოდნის მინიმალური დონეა- B2, რაც განისაზღვრება:
    ა) ინლისურ ენაში (წერითი) გამოცდის წარმატებით გავლის შემთხვევაში; ან ბ) ინგლისური ენის არანაკლებ B2 (Upper Intermediate) დონეზე ფლობის დამადასტურებელი საერთაშორისო სერტიფიკატის არსებობისას.
11. პროგრამაზე სამართალი და ეკონომიკა ინგლისური ენის ცოდნის მინიმალური დონეა- B2, რაც განისაზღვრება:
    ან ა) ინგლისურ ენაში (წერითი) გამოცდის წარმატებით გავლის შემთხვევაში; ან ბ) ინგლისური ენის არანაკლებ B2 (Upper Intermediate) დონეზე ფლობის დამადასტურებელი საერთაშორისო სერტიფიკატის არსებობისას (IELTS 5-6, TOEFL iBT 35-59, TOEIC 526-750, CAMBRIDGE FCE).
12. საერთაშორისო ბიზნეს სამართლის სამაგისტრო პროგრამასა და სამართლის სამაგისტრო პროგრამაზე (ქართულენოვანი) მაგისტრანტობის კანდიდატებმა შესაძლებელია მოიპოვონ დაფინანსება:

ა) სამართლის სამაგისტრო პროგრამა (ქართულენოვანი) – 3 ადგილი.
ბ) საერთაშორისო ბიზნეს სამართლის სამაგისტრო პროგრამა (ინგლისურენოვანი) – 10 ადგილი.

სწავლის საფასური სრულად დაუფინასდება იმ სტუდენტს, რომელიც აკმაყოფილებს ამ ორი პირობიდან ერთ-ერთს: სწავლის საფასური სრულად დაუფინანსდება იმ სტუდენტებს, რომლებსაც 2022-2023

  წლებში აღებული აქვთ ინგლისური ენის ერთ-ერთი გამოცდის სერთიფიკატი, მითითებული ქულებით:

• TOEFL – 85 და მეტი ქულა;
• IELTS – 6 და მეტი ქულა;
• Cambridge English Exam – 170 და მეტი ქულა. ამ პირობის დაკმაყოფილების შემთხვევაში, კონკურსის არსებობისას გადაწყვეტილება მიიღება სპეციალობაში გასაუბრებისას უკეთესი შედეგის მქონე კანდიდატის სასარგებლოდ. უნივერსიტეტი სრულად დაუფარავს სტუდენტებს სწავლის საფასურის სხვაობას გრანტის მოპოვებისას (ენის სერტიფიკატის არარსებობის შემთხვევაშიც). ზემოთ აღნიშნული 2 პირობის დაკმაყოფილების შემთხვევაში, კონკურსის არსებობისას უპირატესობა მიენიჭება სტუდენტს, რომელმაც გრანტი მოიპოვა.

13. უნივერსიტეტის მიერ განსაზღვრულ გამოცდის შედეგებით უკმაყოფილების შემთხვევაში მაგისტრანტობის კანდიდატი უფლებამოსილია წარმოადგინოს საპრეტენზიო განაცხადი გამოცდის შედეგების უნივერსიტეტის ოფიციალურ ვებ-გვერდზე გამოქვეყნებიდან არა უგვიანეს 3 კალენდარული დღისა.
14. მაგისტრანტობის კანდიდატი, რომელმაც მოიპოვა საქართველოს უნივერსიტეტში სწავლის უფლება, ადმინისტრაციული რეგისტრაციის გასავლელად, 19 სექტემბრიდან 23 სექტემბრის ჩათვლით უნდა წარმოადგინოს:

• სწავლების საფასურის იმ ოდენობის გადახდის დამადასტურებელი დოკუმენტი, რომელიც აღემატება მოპოვებულ სახელმწიფო სასწავლო გრანტს.

15. აკადემიური რეგისტრაციის ვადად განისაზღვროს 19 – 23 სექტემბერი (შაბათ-კვირის გარდა).
16. ამ ბრძანების მე-3 პუნქტით განსაზღვრული სარეგისტრაციო დოკუმენტები წარმოდგენილი უნდა იქნეს ელექტრონულ მატარებელზეც JPG ფორმატში (სასურველია ერთ CD-ზე ჩაწერილი).

რეკვიზიტები

შ.პ.ს. საქართველოს უნივერსიტეტი ს/კ 205037137

ბაზისბანკი - GE 27BS 000 000 000 873 6079 (მაგისტრატურა)

ქ. თბილისი კოსტავას 77-ა. 0175. ტელეფონი: (+995) 32 2 55 22 22

University of Georgia LTD

BasisBank - GE 27BS 000 000 000 873 6079 (Master’s)

77a Kostava st. 1075. Tbilisi.Georgia. T: (+995) 32 2 55 22 22

გისურვებთ წარმატებებს!