საქართველოს უნივერსიტეტის თ. ბერაძის სახელობის ქართველოლოგიის ინსტიტუტის ორი პროექტი და ვიქტორ კუპრაძის სახელობის მათემატიკის ინსტიტუტის ერთი პროექტი შოთა რუსთაველის საქართველოს ეროვნული სამეცნიერო ფონდის 2024 წლის ფუნდამენტური კვლევებისთვის სახელმწიფო სამეცნიერო საგრანტო კონკურსის გამარჯვებულია.

 თამაზ ბერაძის სახელობის ქართველოლოგიის ინსტიტუტმა გრანტი მოიპოვა შემდეგი კვლევებისთვის:
 ქართული ნათარგმნი ჰაგიოგრაფიული ძეგლების კორპუსი, I – ხელმძღვანელი პროფ. ნანა მრევლიშვილი, პროექტის მონაწილეები: სოფიო გულიაშვილი, თინათინ ჯიქურაშვილი.
 მოსახლეობის დინამიკა სამხრეთ კავკასიაში ადრეული ბრინჯაოდან რკინის ხანამდე – დედოფლის მინდვრის არქეოლოგიური კომპლექსის მიხედვით – ხელმძღვანელი ნიკოლოზ გობეჯიშვილი, პროექტის მონაწილეები: დავით გაგოშიძე, ქრისტინე შავლაყაძე.

 ვიქტორ კუპრაძის სახელობის მათემატიკის ინსტიტუტმა გრანტი მოიპოვა შემდეგი კვლევისთვის:
 ანალიზი და კერძოწარმოებულიანი დიფერენციალური განტოლებები ლის ჯგუფებზე − ხელმძღვანელი გიორგი ტეფნაძე, კოორდინატორი მედეა ცაავა, პროექტის მონაწილეები: გიორგი თუთბერიძე, როლანდ დუდუჩავა.