EY-ში Forensics and Integrity Services-ის ასისტენტი
EY-ში ჩვენ გეხმარებით, თავდაჯერებულად შექმნათ თქვენი მომავალი. თქვენ გექნებათ შესაძლებლობა, განვითარდეთ გლობალურად დაკავშირებულ, მრავალფეროვან გუნდებში და თქვენი კარიერა თქვენთვის სასურველი მიმართულებით წარმართოთ. შემოუერთდით EY-ს და წვლილი შეიტანეთ უკეთესი სამუშაო სამყაროს შექმნაში.
ვაკანსიის შესახებ
როგორც დამწყები დონის თანამშრომელი, Forensics and Integrity Services-ის ასისტენტი საქართველოში, ყაზახეთში, ყირგიზეთში, უზბეკეთში, აზერბაიჯანსა და სომხეთში სხვადასხვა კლიენტთან მომუშავე გუნდების მნიშვნელოვანი წევრი გახდებით.
თქვენ გაივლით სრულყოფილ პრაქტიკულ, სამუშაო პროცესში ჩართულ სწავლებას, რომლის საშუალებითაც მიიღებთ გამოცდილებას პროფესიული სტანდარტების, კომპანიის პოლიტიკისა და პროცედურების გამოყენებაში კლიენტებთან მუშაობის დროს.
ამ პოზიციაზე თქვენი მოვალეობა იქნება ფორენზიკული გამოძიებების ჩატარებაში დახმარება, მონაცემების ანალიზი და კეთილსინდისიერებისა და შესაბამისობის სტანდარტების დაცვის უზრუნველყოფა, რაც საბოლოო ჯამში ხელს შეუწყობს კლიენტებისთვის ხარისხიანი მომსახურების მიწოდებას.
თქვენი ძირითადი მოვალეობები
-
კორპორაციული ორგანიზაციების, მარეგულირებელი ორგანოების, სამართალდამცავი უწყებებისა და იურისტების მხარდაჭერა ფინანსური და სხვა ტიპის თაღლითობის შესახებ ბრალდებებთან დაკავშირებული საკითხების განხილვისას;
-
კლიენტების თაღლითურ ან სხვა არასათანადო ქმედებებთან დაკავშირებული რისკების პროაქტიულად მართვა;
-
კლიენტებისა და მათი იურიდიული მრჩევლების დახმარება იმ პრეტენზიებისა და დავების შემთხვევაში, რომლებიც მსგავსი ინციდენტების შედეგად შეიძლება წარმოიშვას;
-
ინფორმაციის კრიტიკული ანალიზის ჩატარება, რათა დაინტერესებულ მხარეებს დაეხმაროთ კონკრეტული ბრალდების ან ინციდენტის გარემოებებისა და მისი გავლენის უკეთ გაგებაში;
-
ბიზნესპროცესების, ფინანსური ანგარიშგების სისტემების, ფინანსური აღრიცხვისა და შესაბამისი პროცედურების ცოდნის გამოყენება იმის დასადგენად, თუ რა იყო თაღლითობის გამომწვევი ძირითადი მიზეზები;
-
შეთანხმებული საქმიანობის შესრულების გზით ერთი ან რამდენიმე პროცესის, გადაწყვეტისა და/ან პროექტის განხორციელებაში მონაწილეობა;
-
უფროს კოლეგებთან შეთანხმებით, პროფესიული განსჯის გამოყენება და შესაბამისი მეთოდოლოგიის შერჩევა რეკომენდაციების მოსამზადებლად, წარმატების კრიტერიუმების, შესაძლო დაბრკოლებების, რისკებისა და პრობლემების გათვალისწინებით;
-
ადგილობრივად განსაზღვრული სამუშაო მიზნებისა და შეფასების ინდიკატორების შესრულება, მათ შორის კლიენტებისთვის მომსახურების ხარისხი, შესრულებული სამუშაოს ხარისხი, პროექტებში შეტანილი წვლილი, გადაწყვეტილებების შემუშავება და გუნდური მუშაობა.
რას ვეძებთ კანდიდატში
-
ბოლო კურსის სტუდენტს ან კურსდამთავრებულს, რომელსაც სწავლისა და განვითარების ძლიერი სურვილი აქვს. ფინანსების ან ეკონომიკის მიმართულებით წინასწარი ცოდნა ჩაითვლება უპირატესობად, თუმცა სავალდებულო არ არის;
-
ქართულ და ინგლისურ ენებზე თავისუფლად საუბრისა და წერის უნარს; ასევე აუცილებელია რუსული ენის ცოდნა;
-
სხვადასხვა ქვეყანასა და საერთაშორისო გარემოში მუშაობის სურვილს და კლიენტისა და სამუშაოს მოთხოვნების შესაბამისად მოგზაურობის მოქნილ შესაძლებლობას;
-
პროაქტიულ მიდგომას, სწავლის ძლიერ სურვილს, ახალ გამოწვევებთან ადაპტაციის უნარს და ფორენზიკის მიმართულებით ცოდნისა და პროფესიული უნარების მუდმივად განვითარების სურვილს.
რას მიიღებთ თქვენ
-
გაიღრმავებთ ტექნიკურ კომპეტენციებს და განივითარებთ თანამედროვე ლიდერულ უნარებს მომავლის საჭიროებებზე ორიენტირებული კურსებისა და განვითარების პროგრამების საშუალებით;
-
გაიფართოებთ პროფესიულ და პირად ჰორიზონტს მსოფლიოს სხვადასხვა ქვეყანაში მოქმედ ინტეგრირებულ გუნდებთან მუშაობით და სხვადასხვა პროფესიული და კულტურული გამოცდილების მქონე ადამიანებთან თანამშრომლობით;
-
შეძლებთ საკუთარი შესაძლებლობების მაქსიმალურად გამოვლენას, რადგან კომპანია მუდმივად ახორციელებს ინვესტიციას თანამშრომლების კეთილდღეობასა და კარიერულ განვითარებაში;
-
განივითარებთ საკუთარ პროფესიულ მიზანს და დაეხმარებით EY-ს, დადებითი გავლენა მოახდინოს გუნდებზე, ბიზნესზე, კლიენტებსა და მთლიანად საზოგადოებაზე.
მზად ხართ, თავდაჯერებულად შექმნათ თქვენი მომავალი? მაშინ შეიტანეთ განაცხადი დღესვე.
განაცხადების მიღების ბოლო ვადა: 7 აგვისტო, 2026
