საქართველოს უნივერსიტეტის მაგისტრატურის სტუდენტებსა და კურსდამთავრებულებს აქვთ შესაძლებლობა განაცხადი გააკეთონ ერთ-ერთ საერთაშორისო აუდიტორულ კომპანიაში უფროსი აუდიტორის პოზიციაზე.

ძირითადი მოვალეობები:

·         კლიენტის  ძირითადი ბიზნეს პროცესების შესწავლის პროცესის ხელმძღვანელობა და  წარმართვა კომპანიის მეთოდოლოგიის შესაბამისად;

·         აუდიტის გეგმის შედგენამდე მეთოდოლოგიით განსაზღვრული დოკუმენტაციის შექმნაში მონაწილეობის მიღება და კონტროლი;

·         აუდიტის გეგმის მომზადებაში მონაწილეობის მიღება;

·         აუდიტორული მტკიცებულებების შექმნა-მოპოვებაში მონაწილეობის მიღება;

·         აუდიტორების და სტაჟიორების საქმის ზედამხედველობა და ტრენინგი სამუშაო პროცესში;

·         დასკვნის გაცემამდე პროექტებთან დაკავშირებული დოკუმენტაციის შექმნაში მონაწილეობის მიღება;

·         მენეჯერის/პარტნიორის მიერ პროექტთან დაკავშირებული სხვადასხვა დავალებების შესრულება კომპეტენციის ფარგლებში;

·         კომპანიის მიერ დაგეგმილ ტრენინგებში მონაწილეობის მიღება.

საკვალიფიკაციო მოთხოვნები და პიროვნული თვისებები:

·         მსგავს პოზიციაზე მუშაობის ან მინიმუმ ოთხწლიანი აუდიტორად მუშაობის გამოცდილება;

·         ACCA  პირველი ეტაპის სერთიფიკატი;

·         ქართული და ინგლისური ენების ცოდნა სასურველია საბაზისო დონეზე;

·         საოფისე პროგრამები  (პრიორიტეტულია ექსელის ფლობა მაღალ დონეზე)

·         აუდიტის საერთაშორისო  სტანდარტებში პრაქტიკული ცოდნა;

·         ფინანსური ანგარიშგების საერთაშორისო სტანდარტებთან მუშაობის გამოცდილება და ხშირად გამოყენებადი სტანდარტების მაღალ დონეზე ფლობა;

·         ანალიტიკური აზროვნება;

·         ეფექტური კომუნიკაციის უნარები და აზრის გასაგებად გადმოცემა;

·         გუნდური მუშაობა;

·         კრიტიკულ სიტუაციებში ეფექტური გამოსავლის მოძიება;

·         ინიციატივის საკუთარ თავზე აღების და განვითარების სურვილი.

დამატებითი ინფორმაცია:

·         სამუშაოს ტიპი: სრული განაკვეთი, 5 სამუშაო დღე;

·         სამუშაო საათები: 10:00 – 19:00;

·         ანაზღაურება: შეთანხმებით;

·         ვაკანტური პოზიცია: 1;

·         სამუშაო ადგილი: ქ. თბილისი, აფაქიძის ქ., #11 (თბილისის ბიზნეს ცენტრი);

·         ინფორმაცია კომპანიის შესახებ იხილეთ აქ.

დასაქმების შემთხვევაში გთავაზოვთ:

·         სასიამოვნო, ჯანსაღ, კონკურენტულ და სტაბილურ სამუშაო გარემო-პირობებს;

·         კონკურენტუნარიან და წამახალისებელი სახელფასო განაკვეთს;

·         კარიერული წინსვლის გამჭვირვალე სქემას;

·         თანამშრომელთა კვალიფიკაციის ამაღლების პროგრამას, რისი მეშვეობითაც თქვენ გეძლევათ შესაძლებლობა გააძლიეროთ თქვენი უნარები და გაიღრმავოთ თქვენი ცოდნა;

·         პროფესიული სწავლების დაფინანსებას;

·         სამედიცინო დაზღვევას;

·         სპორტულ-გამაჯანსაღებელი და ინტელექტუალური აქტივობების დაფინანსებას.

გთხოვთ, გამოაგზავნოთ რეზიუმე 2022 წლის 1 აგვისტოს ჩათვლით შემდეგ მისამართზე - career@ug.edu.ge სათაურის ველში მიუთითეთ - უფროსი აუდიტორი.

დამატებითი ინფორმაციისათვის გთხოვთ, მოგვმართოთ დასაქმების ხელშეწყობის სამსახურში. აქვე ხელმისაწვდომია პროფესიონალური კონსულტაცია იმისათვის, რომ წარმატებით წარსდგეთ დამსაქმებლის წინაშე. საკონტაქტო ინფორმაცია: მისამართი: IV კორპუსი, ოთახი 111.  career@ug.edu.ge ტელ: 255-22-22.