GLocal Evaluation Week 2026

3 ივნისს, საქართველოს უნივერსიტეტმა, მსოფლიოში უმსხვილესი ინიციატივის - შეფასების საერთაშორისო კვირეულის (GLocal Evaluation Week 2026) ფარგლებში, უმასპინძლა საერთაშორისო ღონისძიებას თემაზე - შეფასება ხელოვნური ინტელექტის ეპოქაში და შეფასების პროფესიონალიზაცია საქართველოში.

GLocal კვირეული მსოფლიო ბანკის გლობალური შეფასების ინიციატივის (GEI) მიერ არის შექმნილი და მიზნად ისახავს მონიტორინგისა და შეფასების (M&E) სფეროში ცოდნის გაზიარებას. საქართველოს უნივერსიტეტი უკვე მეორე წელია ამ გლობალური ღონისძიების ოფიციალური პარტნიორია.

2026 წლის ღონისძიება განსაკუთრებული მნიშვნელობის იყო, რადგან მას ერთობლივად უმასპინძლეს:

• HubEVAL-მა, რომელიც გახლავთ საქართველოს უნივერსიტეტის საჯარო ადმინისტრირების დეპარტამენტთან ახლად შექმნილი პირველი აკადემიური შეფასების ჰაბი აღმოსავლეთ ევროპისა და კავკასიის რეგიონში.
• საქართველოს შეფასებისა და სწავლების პროფესიონალთა ასოციაციამ (MELPA).

ღონისძიების ფარგლებში ორი პანელური დისკუსია გაიმართა, რომელიც შემდეგ ძირითად კითხვებს ეფუძნებოდა:

• რა გავლენა აქვს მტკიცებულებათა შეგროვებასა და მის სანდობააზე ხელოვნურ ინტელექტს?
• რა არის საჭირო იმისათვის, რომ შეფასება საქართველოში დამოუკიდებლად პროფესიად ჩამოყალიბდეს?

პანელური დისკუსიის შემდეგ, განხილვებში მონაწილეობა მიიღეს მონიტორინგისა და შეფასების პროფესიონალებმა, საერთაშორისო ორგანიზაციის, აკადემიური და კვლევითი წრეების წარმომადგენლებმა.

სპიკერები:

• დეა ცარციძე, HubEVAL, საქართველოს უნივერსიტეტის საჯარო ადმინისტრირების დეპარტამენტი; Solution Alternatives International-ის (SAI) თანადამფუძნებელი პარტნიორი
• ანა კვინტრაძე-ჰარდი, საქართველოს მონიტორინგის, შეფასებისა და სწავლების პროფესიონალთა ასოციაციის (MELPA) თანადამფუძნებელი და აღმასრულებელი დირექტორი
• გვანცა ბესელია, ეთიკის, კეთილსინდისიერებისა და საჯარო მმართველობის ექსპერტი; საქართველოს საჯარო სამსახურის ბიუროს ადამიანური კაპიტალის განვითარების დეპარტამენტის ყოფილი ხელმძღვანელი
• ანი მანგოშვილი, HubEVAL; საქართველოს უნივერსიტეტის კვლევის ანალიტიკოსი; OGP-ის ახალგაზრდული მიმართულების წევრი; საჯარო მმართველობის მაგისტრანტი (UG)
• დოქტორი ანის ბენ ბრიკი, ასოცირებული პროფესორი, ჰამად ბინ ხალიფას უნივერსიტეტის საჯარო პოლიტიკის კოლეჯი (კატარი)
• ნინი ბოკუჩავა, ხელოვნური ინტელექტის (AI) ინჟინერი, Methodo; უტრეხტის უნივერსიტეტის მონაცემთა მეცნიერების, AI-სა და ინტელექტუალური სისტემების საბაკალავრო საფეხურის სტუდენტი
• სერგეი გოტინი, IMACON Consulting Group-ის დამფუძნებელი და მმართველი პარტნიორი
• მაულიკ ჩაუჰანი, Trestle Research and Consulting-ის დამფუძნებელი და დირექტორი
• ანდრეა ადლერი, საზოგადოებრივი ჯანდაცვის, კვებისა და შეფასების დამოუკიდებელი კონსულტანტი; ვაგენინგენის უნივერსიტეტის მაგისტრანტი
• დიარ რამადანი, ზაარლანდის უნივერსიტეტის შეფასების მიმართულების მაგისტრანტი

პანელური სესიებს მოდერაციას უწევდნენ ნოდარ ხერხეულიძე - HubEVAL, საჯარო ადმინისტრირების დეპარტამენტის ხელმძღვანელი და მაია გუნცაძე - საქართველოს მონიტორინგის, შეფასებისა და სწავლების პროფესიონალთა ასოციაციის (MELPA) თანადამფუძნებელი.