12-13 აპრილს, საქართველოს უნივერსიტეტის სამართლის სკოლამ, კიოლნის უნივერსიტეტთან, ფრიდრიხ ნაუმანის ფონდთან და ქართულ, გერმანული და საერთაშორისო სისხლის სამართლის ინსტიტუტთან ერთად გამართა კონფერენცია თემაზე: „ქართულ-გერმანული სამართლის დიალოგი- სისხლის სამართალი და ადამიანის უფლებები“.

ღონისძიება ქართულ-გერმანული სამართლის დიალოგის ეგიდით უკვე მეორედ ჩატარდა და მასში მონაწილეობა მიიღეს,როგორც ქართველმა, ასევე გერმანელმა ექსპერტებმა: ინსბრუკის, ნიურნბერგის, ჰაიდელბერგის, კიოლნის, ბოხუმის, უნივერსიტეტებიდან.

მოხსენებები და დისკუსიები შეეხო სისხლის სამართლისათვის მნიშვნელოვან სხვადასხვა საკითხს, მათ შორის:

• სამართლის ევროპეიზაციის ფარგლები;
• ნარკოტიკების მოხმარების სისხლისსამართლებრივი შეფასება;
• პირადი სფეროს სისხლისსამართლებრივი დაცვა გერმანიაში;
• სატრანსპორტო დანაშაულები ;
• ბრალის პრინციპი გერმანიაში, სისხლის სამართალი და ხელოვნება.

ასევე, საპატიო დოქტორის წოდება მიენიჭა კიოლნის უნივერსიტეტის პროფესორს სისხლის სამართლის მიმართულებით, მარტინ ვასმერს. პროფესორი მარტინ ვასმერი ინტენსიურად თანამშრომლობს საქართველოს უნივერსიტეტთან, მისი თანადგომით უკვე არაერთი გაცვლითი პროგრამა თუ ქართულ-გერმანული სამეცნიერო კონფერენცია განხორციელდა.