ფილოლოგიური, ფილოსოფიური და თეოლოგიური განათლება შეძენილი და გაღრმავებული აქვს თბილისში, პრაჰაში, რომში. არის ფილოლოგიის (საქართველო, ჩეხეთი) და ფილოსოფიის (იტალია) დოქტორი; მინიჭებული აქვს საგანგებო დიპლომი სულიერი თეოლოგიის სპეციალობით, თომა აკვინელის პაპის უნივერსიტეტის მიერ (რომი).
პედაგოგიურ საქმიანობას ეწევა 1984 წლიდან საქართველოსა და ევროპის სხვადასხვა უნივერსიტეტებში. 2006-2011 წლებში იყო ილიას სახელმწიფო უნივერსიტეტის პროფესორი, 2011-2021 წლებში – თბილისის თავისუფალი უნივერსიტეტის პროფესორი; 2021 წლიდან - საქართველოს უნივერსიტეტის პროფესორი.
1984 წლიდან გამოქვეყნებული აქვს ორასზე მეტი სტატია და თორმეტი წიგნი ლიტერატურის, კულტურისა და რელიგიის საკითხებზე.
მისი რედაქციით გამოცემულია ორმოცამდე წიგნი. ხელმძღვანელობს ორი წელიწდეულის გამოცემას: “წახნაგი: ფილოლოგიურ კვლევათა წელიწდეული” და “კათოლიკური მემკვიდრეობა საქართველოში”.
მისი კვლევის სფეროებია: ქართული ლიტერატურის ისტორია, ევროპული ლიტერატურის ისტორია, ლიტერატურის თეორია, ქართული ისტორიოგრაფია, ეკლესიის ისტორია, კულტურის კვლევები, რელიგიის კვლევები, ინტელექტუალური ისტორია, ფილოსოფია, თეოლოგია.
