სადოქტორო მიღება 2025-2026 წლის შემოდგომის სემესტრზე მიმდინარეობს 1 აპრილიდან 15 მაისის ჩათვლით

საბუთები უნდა ჩააბაროთ საქართველოს უნივერსიტეტის მეოთხე კორპუსი, ოთახი 511, სასწავლო ოფისის განყოფილება.

წარმოსადგენი საბუთების ჩამონათვალი: (გაითვალისწინეთ რომ აღნიშნული დოკუმენტები უნდა იყოს წარმოდგენილი, როგორც ბეჭდურ ფორმატში, ასევე ელექტრონული ვერსია, ჩაწერილი CD -ზე)

ა) პროფესიული რეზიუმე - CV (ქართულ ენაზე)

ბ) ფოტოსურათი 3X4;

გ) პირადობის დამადასტურებელი დოკუმენტის დედანი და ასლი. უცხო ქვეყნის მოქალაქის/მოქალაქეობის არმქონე პირის შემთხვევაში პასპორტის/ბინადრობის ნებართვის ნოტარიულად დამოწმებული თარგმანი ან ბინადრობის მოწმობა და შესაბამისი დოკუმენტის ასლი;

დ) სამხედრო აღრიცხვაზე ყოფნის დამადასტურებელი დოკუმენტის დედანი, იმ გვერდების ასლი და ელექტრონული ვერსია, სადაც მფლობელის შესახებ ინფორმაცია არის მოცემული; (27 წლამდე მამაკაცებისთვის)

ე) ინგლისური ენის ცოდნის B2 დონის საერთაშორისო სერტიფიკატი ან დარგის სპეციფიკის გათვალისწინებით საზღვარგარეთ ინგლისურენოვანი ბაკალავრიატის/მაგისტრატურის/დოქტორანტურის პროგრამის დასრულების დამადასტურებელი დოკუმენტი და მათი სანოტარო წესით დამოწმებული ასლი ან დაინტერესებულმა პირმა უნდა ჩააბაროს უნივერსიტეტის მიერ დაწესებული შიდა გამოცდა დარგობრივ ინგლისურ ენაში. ინგლისურ ენაში კომპეტენციის მინიმალური ზღვარი არის მაქსიმალური შეფასების 60%. ინგლისური ენის ნაცვლად სხვა უცხო ენის ცოდნის შემთხვევაში, უნდა დადასტურდეს არანაკლებ B2 დონის ცოდნა და ინგლისური ენის ცოდნა არანაკლებ B1 დონეზე. ამ შემთხვევაში, აღნიშნული უცხოური ენის მიმართ ვრცელდება ამ დებულებით ინგლისურ ენასთან დაკავშირებით დადგენილი რეგულაცია. (სერტიფიკატების არსებობის შემთხვევაში იხ: https://ug.edu.ge/ge/sauniversiteto-debuleba-new-full/122; )

ვ) მაგისტრის დიპლომის ან მასთან გათანაბრებული დოკუმენტის სანოტარო წესით დამოწმებული ასლი; იმ შემთხვევაში, თუ დიპლომი არ არის გაცემული საქართველოში, უცხოეთში მიღებული განათლება აღიარებული უნდა იქნას საქართველოს განათლებისა და მეცნიერების სამინისტროს მიერ დადგენილი წესის შესაბამისად. სამართალმცოდნეობის დოქტორანტურის პროგრამაზე სწავლის გაგრძელების უფლება აქვს მხოლოდ შესაბამისი მაგისტრის ან მასთან გათანაბრებული აკადემიური ხარისხის მქონე პირს;

ზ) კვლევის კონცეფცია იმ თემის შესახებ, რაზეც აპლიკანტს შემოაქვს საბუთები; (https://ug.edu.ge/ge/sauniversiteto-debuleba-new-full/33)

ი) შესაბამის სფეროში არსებული წინარე ნაშრომი/პუბლიკაცია ან/და სამეცნიერო-კვლევით პროქტებსა და ღონისძიებებში მონაწილეობის დამადასტურებელი დოკუმენტაცია ან/და შესაბამის სფეროში მუშაობის არანაკლებ 2 წლიანი გამოცდილების დამადასტურებელი დოკუმენტაცია. ზემოაღნიშნული უნდა იძლეოდეს კანდიდატის კვლევითი უნარების შეფასების შესაძლებლობას.

კ) შესაბამისი სამეცნიერო დარგის პროფესორის/ასოცირებული პროფესორის/სამეცნიერო პერსონალის ან/და საქართველოს უნივერსიტეტის ემერიტუსის სარეკომენდაციო წერილი, შესაბამისი სკოლის საბჭოს დამატებითი მოთხოვნის შემთხვევაში.

საბუთების მიღება მიმდინარეობს მხოლოდ შემდეგ პროგრამებზე გამოცხადებულ თემებზე:

ისტორიის სადოქტორო პროგრამა

მათემატიკის სადოქტორო პროგრამა

ფიზიკის სადოქტორო პროგრამა

მას. კომუნიკაციების სადოქტორო პროგრამა

ბიზნესის ადმინისტრირების სადოქტორო პროგრამა

ფილოლოგიის სადოქტორო პროგრამა