ჯანმრთელობის მეცნიერებების სკოლა აკადემიური პერსონალისთვის აწყობს ონლაინ ტრენინგს:

სტუდენტზე ორიენტირებული სწავლა-სწავლების მეთოდები - "გადმობრუნებული საკლასო ოთახის"  დიზაინი და აპლიკაციები

წარმოდგენილი ტრენინგი მიზნად ისახავს ჯანმრთელობის მეცნიერებების სკოლის სასწავლო პროგრამების მხარდაჭერას სტუდენტზე ორიენტირებული სწავლა-სწავლების მეთოდების , მათ შორის "გადმობრუნებული საკლასო ოთახის" დიზაინის შექმნასა და შემდგომ დანერგვაში.

ტრენინგის პროგრამის ხელმძღვანელი : დ. სალჩიდო - ტაიპეის უნივერსიტეტის კლინიკური სწავლების  და განათლების კვლევისა და ინოვაციების ცენტრის დირექტორი.

ტრენინგის ორგანიზატორი და პროგრამის თანახელმძღვანელი: ე. ნიკოლეიშვილი, პროფესორი,  სამედიცინო განათლების ცენტრის ხელმძღვანელი.

სპიკერი - იერკო ბეროკალი, ჩიკაგოს ილინოისის უნივერსიტეტის სამედიცინო განათლების ცენტრის ხელმძღვანელი.

ტრენინგის დასრულების შემდეგ მონაწილეებს შეეძლებათ:

1. გამოავლინონ სწავლა-სწავლების მეთოდის "გადმობრუნებული საკლასო ოთახის "ძირითადი ელემენტები.

2. საკუთარ თავზე, როგორც მოსწავლემ  (სტუდენტმა) გამოსცადონ  "გადმობრუნებული საკლასო ოთახის " მეთოდის დადებითი და უარყოფითი ასპექტები.

3. გამოიყენონ საუკეთესო პრაქტიკა "გადმობრუნებული საკლასო ოთახის " დიზაინის, განვითარებისა და დანერგვისათვის.

4. გამოიყენონ "გადმობრუნებული საკლასო ოთახის "მეთოდი არსებული საგანმანათლებლო კურიკულუმის მიმართ (სილაბუსებში მისი ინტეგრაციის შედეგად).

 რჩევები ტრენინგის წარმატებით ჩატარებისათვის

● მკაცრად რეკომენდებულია შემოუერთდეთ ონლაინ სესიებს კომპიუტერიდან, რათა სრულად მიიღოთ მონაწილეობა ინტერაქტიულ სესიებზე;

● ასევე რეკომენდებულია შეამოწმოთ თქვენი მიკროფონები, რათა , როცა თქვენ არ საუბრობთ, იმ შემთხვევებისთვის, შესაძლებელი იყოს გამორთვა რომბსხვებს  ხელი არ შეეშალოს;

● თუ ინგლისური ენის გაგებისათვის მხარდაჭერა გჭირდებათ, შეგიძლიათ დასვათ კითხვები ქართულად და დაგეხმარებით თარგმნაში;

● დასვით ნებისმიერი შეკითხვა, რომელიც შეიძლება გქონდეთ რაც არ უნდა მარტივად მოგეჩვენოთ ის;

● თუ გაგიჭირდეთ სესიის წამყვანის გაგება, გთხოვთ შეგვატყობინოთ, რათა შევცვალოთ ენის სიჩქარე და სირთულე სესიის განმავლობაში;

● მისასალმებელია თქვენი აქტიური მონაწილეობა პრაქტიკულ აქტივობებში და კითხვა-პასუხის სესიაში;

● გთხოვთ, ტრენინგის მსვლელობისას ჩართოთ თქვენი კამერა, რათა უფრო ადვილად ვითანამშრომლოთ;

● ეს სესია განკუთვნილია გამოცდილი ლექტორებისათვის. თქვენი იდეები, გამოცდილება და მოსაზრებები ძალიან ღირებულია, გთხოვთ გაგვიზიაროთ თქვენი კომენტარები.

 ტრენინგი გაიმართება 2021 წლის 27-28  ნოემბერს და  4 დეკემბერს, დილის 10 საათიდან საღამოს 16 საათამდე. რეგისტრაციის ბოლო ვადაა 25 ნოემბერი.

ტრენინგის პროგრამა