პროგრამის აღწერა

საქართველოს უნივერსიტეტის საერთაშორისო ურთიერთობებისა და საერთაშორისო სტუდენტების სამსახური აცხადებს ინდივიდუალურ გაცვლით პროგრამას ჯანმრთელობის მეცნიერებების სკოლის სტუდენტებისთვის თურქეთში, Acibadem University-ში.

იხილეთ უნივერსიტეტის ვებ-გვერდი - https://www.acibadem.edu.tr/en/

პროგრამის ფარგლებში შერჩეული სტუდენტები ისწავლიან Acibadem University-ში 1 სემესტრის განმავლობაში (გაზაფხულის სემესტრი - 2021-2022 აკადემიური წელი)

გაცვლითი პროგრამის ფარგლებში სტუდენტი მიმღებ უნივერსიტეტში არ იხდის სწავლის საფასურს, თუმცა საქართველოს უნივერსიტეტში ფარავს აღიარებული კრედიტების საფასურს.

გაცვლითი პროგრამა არ მოიცავს :

·         მგზავრობისა და ვიზის ხარჯებს

·         საცხოვრებლისა თუ სხვა ყოველდღიურ ხარჯებს

მაღალი აკადემიური მოსწრების შემთხვევაში საქართველოს უნივერსიტეტი სრულად დააფინანსებს საცხოვრებლის ხარჯებს.

*აპლიკაცია არ შეუძლიათ:

·         საბაკალავრო პროგრამის პირველი სემესტრის სტუდენტებს

·         იმ სტუდენტებს, რომელთათვისაც 2021-2022 აკადემიური წლის გაზაფხულის სემესტრი წარმოადგენს საბაკალავრო ან სამაგისტრო პროგრამის სწავლების ბოლო, დამამთავრებელ სემესტრს

·         სტუდენტებს, რომლებსაც აპლიკაციის გამოგზავნის მომენტში არ აქვთ საქართველოს უნივერსიტეტში აქტიური სტუდენტის სტატუსი.

სასწავლო შემოთავაზება

Acibadem University-ს მიერ შეთავაზებული ინგლისურენოვანი საგნების ჩამონათვალი იხილეთ აქ:

მედიცინის პროგრამა - https://obs.acibadem.edu.tr/oibs/bologna/index.aspx?lang=en# *

*მონიშნეთ Academic Units, სასურველი საფეხური და სასურველი პროგრამა

Acibadem University-ში ისწავლება მედიცინის, ფარმაციის, საექთნო საქმის, ჯანდაცვის მენეჯმენტის და ნუტრიციის პროგრამები.

გაცვლითი სემესტრის დასრულების შემდგომ საგნების ჩათვლა მოხდება საქართველოს უნივერსიტეტის სისტემის მიხედვით, შესაბამისად საგნებს მიენიჭებათ საქართველოს უნივერსიტეტში შესაბამისი საგნისთვის მინიჭებული კრედიტების რაოდენობა. სტუდენტი მიმღებ უნივერსიტეტში არ იხდის სწავლის საფასურს, თუმცა საქართველოს უნივერსიტეტში ფარავს აღიარებული კრედიტების საფასურს.

საცხოვრებელი

Acibadem University სთავაზობს სტუდენტებს მათი სტუდენტური საერთო საცხოვრებლებით სარგებლობას. დეტალური ინფორმაცია საცხოვრებლის შესახებ იხილეთ აქ: https://obs.acibadem.edu.tr/oibs/bologna/index.aspx?lang=en# *

*მონიშნეთ General Information For Students და Accommodation

სტუდენტი თავისუფალია დამოუკიდებლად მოიძიოს მისთვის სასრუველი ნებისმიერი სხვა სახის საცხოვრებელი.

ენის მოთხოვნები

სტუდენტებს ეძლევათ საშუალება ისწავლონ Acibadem University-ში ინგლისურ ენაზე. სტუდენტმა უნდა წარმოადგინოს საერთაშორისოდ აღიარებული ენის დამადასტურებელი სერტიფიკატი იმ შემთხვევაში, თუ საქართველოს უნივერსიტეტში არ აქვს დასრულებული ინგლისურის B2/2 დონე.

სერტიფიკატის არ წარმოდგენის შემთხვევაში, სტუდენტის ინგლისური ენის ფლობის შესაფასებლად გამოიყენება მის მიერ საქართველოს უნივერსიტეტში გავლილი ინგლისური ენის საგნების საშუალო შეფასება

თუკი სტუდენტი არ ფლობს სერტიფიკატს და არ აქვს დასრულებული ინგლისური ენის შესაბამისი დონე, შესაძლებელია სტუდენტმა ენის ფლობა დაადასტუროს ინგლისური ტესტირების საფუძველზე. ტესტირების შესახებ ინფორმაციას სტუდენტები მიიღებენ MY UG-ს შეტყობინებების მეშვეობით.

წარმოსადგენი საბუთები

სტუდენტმა უნდა წარმოადგინოს შემდეგი საბუთები ინგლისურ ენაზე:

·         სამოტივაციო წერილი

·         CV (Europass ფორმატი - https://europa.eu/europass/eportfolio/screen/cv-editor?lang=en)

·         მიმართვის წერილი შესაბამისი სკოლიდან (გთხოვთ, მიმართეთ შესაბამისი სკოლის ასისტენტს)

·         ინგლისური ენის დამადასტურებელი სერტიფიკატი (თუკი სტუდენტს დასრულებული აქვს B2/2 დონე საქართველოს უნივერსიტეტში, სერტიფიკატის წარმოდგენა არაა საჭირო)

·         პირადობის დამადასტურებელი მოწმობა/პასპორტი (ელ.ვერსია)

სტუდენტებმა, რომლებიც იმყოფებიან მაგისტრატურის პირველი კურსის პირველ სემესტრზე და საბაკალავრო საფეხური არ აქვთ დასრულებული საქართველოს უნივერსიტეტში, დამატებით უნდა წარმოადგინონ საბაკალავრო დონის ნიშნების ფურცელი.

აპლიკაცია

აპლიკანტების შერჩევა ხდება კონკურენციის საფუძველზე, მათ მიერ წარმოდგენილი საბუთების და მათი აკადემიური მოსწრების საფუძველზე.

აღნიშნული საბუთები სტუდენტმა უნდა გამოგზავნოს ელექტრონულად შემდეგ გვერდზე:

https://forms.gle/um4LNAc8spe3dFsA6

აპლიკაციების გამოგზავნა შესაძლებელია 28 ოქტომბრის ჩათვლით

საკონტაქტო პირი

დამატებითი ინფორმაციისთვის მიმართეთ:

ნუცა ვეფხვაძე

n.vepkhvadze@ug.edu.ge

+995 557747097