საქართველოს უნივერსიტეტის სოციალურ მეცნიერებთა სკოლის (UG) და საქართველოს სტრატეგიული ანალიზის ცენტრის (GSAC) ორგანიზებით ჩატარდა კრიზისებისა და რეაგირების სწავლება-სიმულაციაში. 

 

სწავლება-სიმულაცია ითვალისწინებს სხვადასხვა საფრთხისა და რისკების გათვალისწინებით ეროვნული მზაობისა და მედეგობის ხარისხის შემოწმებას კონკრეტული კრიზისული სცენარის გათამაშებით და რელევანტური ორგანიზაციებისა და უწყებების (საერთაშორისო და ქვეყნის შიგნით) რეაგირების ისევე, როგორც არსებული სამართლებრივ, პროცედურული მექანიზმების ეფექტურობის გაანალიზებით.

 

პროექტი ითვალისწინებს ერთის მხრივ პოლიტიკის მეცნიერების და საერთაშორისო ურთიერთობების სამაგისტრო და საბაკალავრო დამამთავრებელ დონეზე მყოფი სტუდენტების (მაქს. რაოდენობა - 20), ხოლო მეორეს მხრივ კრიზისებზე რეაგირების თვალსაზრისით რელევანტური სახელმწიფო უწყებების წარმომადგენლების (მაქს. რაოდენობა-20) ერთობლივ ჩართულობას და მონაწილეობას. სწავლება-სიმულაცია ემსახურება არა მხოლოდ სახელმწიფოს ცენტრალურ თუ ლოკალურ დონეზე მედეგობის კონკრეტულ კონტექსტში გაანალიზებას, არამედ ასევე ითვალისწინებს ინტენსიური სასწავლო ფაზის გავლასაც, რომლის ფარგლებში ერთი თვის განმავლობაში (დღეში 2 საათი, სულ 40 საათი) მონაწილეები მიიღებენ სიღრმისეულ ცოდნას და გაიღრმავებენ კომპეტენციას კრიზისებზე რეაგირების მთელ რიგ მნიშნელოვან თემატურ საკითხებზე.