განწყობის  თეორიის შემსწავლელი ჯგუფი ფსიქოლოგიის პროგრამის სტუდენტებისთვის

ჯგუფის ხელმძღვანელები: ლელა ტყეშელაშვილი, ნანა ბურდული

ჯგუფის მუშაობის ძირითადი მიზანი: დ.უზნაძის განწყობის ზოგადფსიქოლოგიური თეორიის ჩამოყალიბებისა და განვითარების ტენდენციების საფუძვლიანი შესწავლა-გაანალიზება.

ჯგუფის სამუშაო თემატიკა და შესაბამისი შემეცნებითი აქტივობები:

1. თემა:  განწყობა, როგორც უზნაძის ფსიქოლოგიური სისტემის ცენტრალური ცნება, განწყობის ექსპერიმენტული  და ზოგადფსიქოლოგიური თეორიის შექმნის ისტორია.

აქტივობები:

• ისტორიული, ბიოგრაფიული და სამეცნიერო მასალის გაცნობა;

• სამუზეუმო, საბიბლიოთეკო და თემატური ფოტო-ვიდეო მასალის გაცნობა/მონახულება;

• მიღებული ინფორმაციის სტრუქტურიზება, პრეზენტაცია და თემატური დისკუსია.

2. თემა:  განწყობის თეორიის როლი და ადგილი ძირითად ფსიქოლოგიურ პარადიგმებსა და ზოგადფსიქოლოგიურ მიმდინარეობებს შორის.

აქტივობები:

• თეორიული მიმოხილვა: განწყობის ცნება სხვადასხვა ფსიქოლოგიურ კონცეფციაში;

• თეორიული მიმოხილვა: არაცნობიერის, მოტივაციის, პიროვნების, მოთხოვნილების, აზროვნების, ნებელობის, მორალისა, ძილისა და სიზმრის, ქცევის  და სხვა ფუნდამენტური კონსტრუქტებისა და ფსიქიკური ფენომენების  ალტერნატიული გააზრება განწყობის თეორიაში;

• არაცნობიერის პრობლემისადმი მიძღვნილი თბილისის 1979 წლის  სიმპოზიუმის მასალების გაცნობა.

• მიღებული ინფორმაციის სტრუქტურიზება, პრეზენტაცია და თემატური დისკუსია.

3. თემა:   „უზნაძის სკოლა“ - თეორიის განვითარება უზნაძის მოსწავლეების სამეცნიერო შრომებში და კვლევის ძირითადი მიმართულებები. 

აქტივობები:

• თემის შესაბამისი მასალების მოპოვება  - რ. ნათაძის, შ. ნადირაშვილის, ი. ბჟალავას, დ. რამიშვილის, ბ. ხაჭაპურიძის, შ. ჩხარტიშვილის, ა. შეროზიას  და სხვ. ნაშრომების გაცნობა;

• მიღებული ინფორმაციის სტრუქტურიზება, პრეზენტაცია და თემატური დისკუსია.

4. თემა :  განწყობის თეორიის თანამედროვე მდგომარეობა და  განვითარების ტენდენციები თეორიული და გამოყენებითი (ფსიქოდიაგნოსტიკისა და ფსიქოთერაპია/კონსულტაციის) მიმართულებით.

აქტივობები: 

• განწყობის ფსიქოლოგიის თანამედროვე მკვლევართა ნაშრომების, საკონფერენციო მასალებისა და მონოგრაფიების მოძიება და განხილვა;

• მიღებული ინფორმაციის სტრუქტურიზება და პრეზენტაცია და თემატური დისკუსია;

• ჯგუფის მუშაობის შეჯამება, ელექტრონული მასალების ვებ-სივრცეში განთავსება. 

მონაწილეობის მსურველებმა გაიარეთ რეგისტრაცია: 

მონაწილეობის მსურველებმა გაიარეთ რეგისტრაცია > https://docs.google.com/forms/d/1JyxVTK44Xk2ogEuZduJvliIt24p4_QJQMcOAUom82ck/edit

განცხადების რეგისტრაციის გამოცხადება (დელაინი): 15 - 28 თებერვალი

სტუდ-ბის ჯგუფებში (გა)დალაგება (პირველი რეგისტრაციის პრინციპი):1-10 მარტი

სამუშაო ჯგუფების გაცნობითი შეხვედრა ჩვენთან: 11-14 მარტი

სამუშაო ჯგუფების მუშაობის დაწყება: 15 მარტი

სამუშაო ჯგუფების მუშაობის პირველადი მოხსენება: 15 მაისი

სამუშაო ჯგუფების მუსაობის საბოლოო შედეგი: 15 ივლისი