10 ოქტომბერს, 12:00 საათზე საქართველოს უნივერსიტეტის, ჯანმრთელობის მეცნიერებების სკოლა ფსიქიკური ჯანმრთელობის მსოფლიო დღისადმი მიძღვნილ ღონისძიებას უმასპინძლებს. ყოვეწლიურ მსოფლიო კამპანიას საქართველოც უერთდება და უნივერსიტეტის ეგიდით წლევანდელი თემის "მენტალური ჯანმრთელობა ჰუმანიტარული საგანგებო სიტუაციების დროს" ირგვლივ, მრგვალი მაგიდის ფორმატში ღონისძიებას გამართავს.
სფეროს ექსპერტები, მთავარ თემაზე - მენტალური ჯანმრთელობა ჰუმანიტარული საგანგებო სიტუაციების დროს მოხსენებებს წარადგენენ, შეხვედრის მეორე ნაწილი ქვეყნისთვის აქტუალურ თემას, გემბლინგთან დაკავშირებით ფსიქიკური ჯანმრთელობის რისკების მართვას დაეთმობა.
მრგვალი მაგიდის ფორმატში სადისკუსიოდ მოწვეულნი არიან, როგორც საქართველოს უნივერსიტეტის წარმომადგენლები, ქართველი იმუნოლოგი და საქართველოს უნივერსიტეტის პროფესორი ამირან გამყრელიძე, უნივერსიტეტის ჯანდაცვის სკოლის დირექტორი თამარ ლობჯანიძე, პროფესორები ნანა ზავრადაშვილი, ნათია სხვიტარიძე და გიორგი ბახტურიძე, ასევე სამოქალაქო აქტივისტი თამარ ჯაფარიძე.
დრო: 10 ოქტომბერი, 12:00 საათი
ადგილი: საქართველოს უნივერსიტეტი, ჯანმრთელობის მეცნიერებების სკოლა, ქავთარაძის 21ა ჩიხი 4
