ძვირფასო სტუდენტებო, საქართველოს უნივერსიტეტის, საქართველოში ბრაზილიის საელჩოსა და პორტუგალიური ენის ცენტრის, კამოეშის ორგანიზებით, 4 მაისს, პორტუგალიური ენის საერთაშორისო დღისადმი მიძღვნილი ღონისძიება გაიმართება.

ღონისძიების ფარგლებში ლისაბონის უნივერსიტეტის პროფესორი, ენეშ ფერეირა წაიკითხავს ლექციას თემაზე: „პორტუგალია ევროპასა და პორტუგალიურენოვანი ქვეყნების საზოგადოებაში - პორტუგალიური ენის როლი“. ასევე გაიმართება ბრაზილიელი მწერლის, კლარის ლისპექტორის ორი რომანის - „ვარსკვლავის დრო“ და "ველურ გულთან ახლოს" თარგმანის პრეზენტაცია. მთარგმნელი პორტუგალიურიდან ქართულ ენაზე - ნინო ლორთქიფანიძე.

ღონისძიებას გახსნიან საქართველოში ბრაზილიის ელჩი, ოსვალდო ბიატო ჟუნიორი და საქართველოს უნივერსიტეტის რექტორი, კონსტანტინე თოფურია.

დრო: 14:45სთ

ადგილი: საქართველოს უნივერსიტეტი, მე-4 კორპუსი, 519 აუდიტორია