საფასური აშშ დოლარის ეკვივალენტით ლარში განისაზღვრება და გადახდა ხელშეკრულების გაფორმების დღეს საქართველოს ეროვნული ბანკის მიერ დადგენილი კურსით ლარში წარმოებს. კურსების ღირებულების გადანაწილების გრაფიკი და საბოლოო პირობები აბიტურიენტის მიღების პროცესში დაზუსტდება.

ერთწლიანი სრული კულინარიის ძირითადი მოდულები:

• ქართული და მსოფლიო სამზარეულოების ტექნიკა და ტექნოლოგიები;
• საკონდიტრო და პურ-ფუნთუშეულის ხელოვნების სრული კურსი;
• პროფესიული სამზარეულოს ორგანიზება და სურსათის უვნებლობა;
• მენიუს ინჟინერია, პროდუქტის შერჩევა, HACCP-ის სტანდარტები, ნუტრიციოლოგიის საფუძვლები და სერვირება;
• რესტორნის მართვა, HoReCa სექტორის ბაზრის კვლევა, ფინანსური ანალიზი, საწყობების მართვა, AI-ის როლი გასტრონომიაში და კულინარიული მარკეტინგის საფუძვლები;
• მსოფლიო და ქართული კულინარიის ისტორია და გასტროტურიზმი.

საკონდიტრო და პურ-ფუნთუშეულის ხელოვნების სრული პროფესიული კურსი

პროგრამა აერთიანებს:

არტიზანულ და თანამედროვე პურ-ფუნთუშეულის ტექნიკა-ტექნოლოგიებს; საკონდიტრო ხელოვნების ძირითად მოდულებს, მათ შორის: შოკოლადის ტემპერირებას, კრემების, ბისკვიტების, ტარტების, ფრანგულ ხაზს, მარციპანს, კლასიკას, ილუზიურ და პორციულ დესერტებს. სტუდენტები საფუძვლიანად სწავლობენ: ფხვიერი, მოხარშული, ფენოვანი და საფუარიანი ცომის დამუშავებას, ქართულ გულსართიანებს, ცხობის ხელოვნებას, ტრადიციებს, პროდუქტის პროფესიულ მონტაჟსა და წარდგენას.

კვალიფიკაციის ამაღლება, ქვეყნიდან გაუსვლელად ევროპული განათლების მიღება — V, VI და VII საფეხურები

აკადემია მოქმედ პროფესიონალებს ცოდნის გაღრმავების შესაძლებლობას სთავაზობს. სწავლება მოიცავს ტექნიკა-ტექნოლოგიების დახვეწას, პროდუქტის განვითარებას, თანამედროვე გასტრონომიული მიდგომების გაცნობასა და პრაქტიკულ სამუშაოებს. შესაბამისი საფეხური და ფორმატი მსურველის გამოცდილებისა და სასწავლო მიზნის მიხედვით შეირჩევა.

Junior Chef Academy 12-დან 17 წლამდე მოზარდებისთვის

პროგრამა მოზარდებს კულინარიის საფუძვლებს ასაკის შესაბამისი პრაქტიკული აქტივობებით აცნობს. სწავლებისას ყურადღება ეთმობა: სამზარეულოში უსაფრთხო მუშაობას, გემოსა და პროდუქტის გაცნობას, შემოქმედებით აზროვნებასა და გუნდურ თანამშრომლობას.

1-თვიანი ინტენსიური კურსი

პროგრამა მსოფლიოში ყველაზე პოპულარულ 81-ზე მეტ კერძსა და დესერტს აერთიანებს.

როგორ შევარჩიოთ სასურველი კურსი?

პროგრამის შერჩევა თქვენს მიზანზე, გამოცდილებასა და სასურველ სასწავლო ფორმატზეა დამოკიდებული:

• მოყვარულებს შეუძლიათ, არჩევანი მოკლე, პრაქტიკაზე ორიენტირებულ კურსზე შეაჩერონ.
• პროფესიული კარიერით დაინტერესებული პირებისთვის სასურველია ხანგრძლივი, სისტემური პროგრამის შესწავლა;
• მოქმედ პროფესიონალებს კი სპეციალიზებულ მოდულს და/ან კვალიფიკაციის ასამაღლებელ ფორმატს ვთავაზობთ;
• მოზარდებისთვის ასაკზე მორგებული Junior Chef Academy არის განკუთვნილი.

დაწვრილებითი ინფორმაციისთვის გაეცანით აკადემიის გუნდს და სასწავლო პროგრამებს. განაცხადის შესავსებად ეწვიეთ რეგისტრაციის გვერდს.