ბიზნესის, ეკონომიკისა და მართვის სკოლა ერთ-ერთ წამყვან პოზიციას იკავებს ბიზნესის ადმინისტრირების, ეკონომიკის, საჯარო მმართველობისა და ტურიზმის პროგრამების განხორციელებაში. აღნიშნული პროგრამები შემუშავებულია თანამედროვე საერთაშორისო პრაქტიკის გათვალისწინებით და მიზნად ისახავს ახალგაზრდა ლიდერების, მმრთველებისა და მეწარმეების აღზრდას. 2016 წლიდან სკოლა არის CEEMAN-ის და AACSB-ის ინსტიტუციური წევრი საერთაშორისო აკრედიტაციის მიმართულებით.  

გარდა აკადემიური შესაძლებლობებისა, ბიზნესის, ეკონომიკისა და მართვის სკოლა სტუდენტებს სთავაზობს სხვადასხვა პროექტებში, საერთაშორისო პროგრამებში, სემინარებსა და ვორკშოფებში მონაწილეობას, ასევე გაცვლით პროგრამებს ევროპის სხვადასხვა უნივერსიტეტებში. წარმატებულ სტუდენტებს სკოლა უფინანსებს ევროპის ინოვაციის აკადემიის საზაფხულო პროგრამაში მონაწილეობას. ბიზნესის, ეკონომიკისა და მართვის სკოლის ფარგლებში გავლილი ბუღალტრული კურსების აღიარება ხდება ACCA-ის (Association of Chartered Certified Accountants) ფარგლებში, რის საფუძველზეც სტუდენტები მიიღებენ პროფესიულ ბუღალტერთა სერტიფიკატს. სკოლა ხელს უწყობს სტუდენტების სამეწარმეო ინიციატივებს და აფინანსებს სტუდენტურ პროექტებს.