HR და ციფრული ტრანსფორმაცია 

(1 და 2-წლიანი სამაგისტრო პროგრამები)

მიღების პირობები

საქართველოს უნივერსიტეტში სწავლის უფლების მოპოვების მიზნით, მაგისტრანტობის კანდიდატი ვალდებულია:

• გაიაროს საერთო სამაგისტრო გამოცდა;

• ჩააბაროს უნივერსიტეტის მიერ განსაზღვრული გამოცდა ინგლისურ ენაში (იხილეთ ტესტის ნიმუში) ან წარმოადგინოს ინგლისური ენის ცოდნის დამადასტურებელი შემდეგი სერტიფიკატები: 

TOEFL IBT – მინიმალური ქულა - 80; 

IELTS – მინიმალური ქულა - 6.5; 

PTE General – მინიმალური დონე - B2;

FCE – მინიმალური დონე - B; 

CPE – საკმარისია ჩაბარება; 

CAE – საკმარისია ჩაბარება. 

• გაიაროს გასაუბრება სპეციალობის მიხედვით; 

• წარმოადგინოს 5 წლიანი სამუშაო გამოცდილების ცნობა (საჭიროა მხოლოდ ერთწლიანი სამაგისტრო პროგრამისთვის).

შენიშვნა: საქართველოს უნივერსიტეტის კურსდამთავრებულები ენის გამოცდიდან თავისუფლდებიან, თუ დახურული აქვთ ინგლისურის B2 დონე.

გასაუბრების თემატიკა 1-წლიანი პროგრამისთვის

1. სტრატეგიული მენეჯმენტი და ლიდერობა;

2. თანამშრომელთა მოტივაცია და ჩართულობის მენეჯმენტი;

3. ორგანიზაციული კულტურა და ცვლილებების ლიდერობა;

4. ადამიანი ორგანიზაციაში;

ლიტერატურა:

1. Management, Stephen P. Robbins, Mary A. Coulter, Pearson ;

2. Management, Daft, R., Boston, Cengage;

3. Human Resource Management, Gary Dessler, Pearson;

გასაუბრების თემატიკა 2-წლიანი პროგრამისთვის

1. მენეჯმენტის ფუნქციები;

2. ორგანიზაციის სტრატეგია;

3. მოტივაციის თეორიები მენეჯმენტში;

4. ორგანიზაციული სტრუქტურები;

5. ადამიანური რესურსები მართვის როლი და ფუნქციები ორგანიზაციაში;

6. თანამშრომელთა მოტივირება;

ლიტერატურა:

1. Management, Stephen P. Robbins, Mary A. Coulter, Pearson;

2. Management, Daft, R., Boston, Cengage;

3. Human Resource Management, Gary Dessler, Pearson;

კანდიდატთა რეგისტრაცია

საქართველოს უნივერსიტეტში მაგისტრანტთა რეგისტრაცია 2025 წლის 1 სექტემბერს იწყება და 10 სექტემბერს სრულდება.

რეგისტრაცია 18:00-21:00-მდე მიმდინარეობს ქ.თბილისში, კოსტავას 77ა-ში, 206-ე ოთახში.

რეგისტრაციისას კანდიდატმა უნდა წარმოადგინოს: 

• გამოცდის საფასურის გადახდის დამადასტურებელი ქვითარი (20 ლარი);

• საგამოცდო-საიდენტიფიკაციო ბარათი და ელ. ვერსია CD-ზე ჩაწერილი JPG ფორმატში;

• პირადობის დამადასტურებელი დოკუმენტის ასლი და ელ. ვერსია CD-ზე ჩაწერილი JPG ფორმატში;

• ბაკალავრის დიპლომის ნოტარიული ასლი და ელ. ვერსია CD-ზე ჩაწერილი JPG ფორმატში. (თუ დიპლომი უნივერსიტეტის მიერ ჯერ არ არის გაცემული, უნდა იქნას წარმოდგენილი ხარისხის მინიჭების ცნობა სველი ბეჭდით + ელ. ვერსია CD-ზე ჩაწერილი JPG ფორმატში);

• სამხედრო აღრიცხვაზე ყოფნის დამადასტურებელი დოკუმენტის ასლი (ვაჟების შემთხვევაში) და ელ. ვერსია CD-ზე ჩაწერილი JPG ფორმატში;

• ფოტოსურათი (3X4) 1 ცალი და ელ. ვერსია CD-ზე ჩაწერილი JPG ფორმატში;

• CV ფოტოსურათით და სამოტივაციო წერილი (წარმოსადგენია მხოლოდ გასაუბრებაზე).

სასურველია ყველა სარეგისტრაციო დოკუმენტი ჩაწერილი იყოს ერთ CD-ზე.

ინგლისური ენის გამოცდა

ინგლისური ენის გამოცდა 2025 წლის 12 სექტემბერს, 11:00 საათზე ქ. თბილისში, კოსტავას 77ა-ში, IV სასწავლო კორპუსში, 407-ე აუდიტორიაში; 

ინდივიდუალური გასაუბრება

ინდივიდუალური გასაუბრებები 15,16 და 17 სექტემბერს ჩატარდება იმავე მისამართზე, 327-ე აუდიტორიაში. გასაუბრების ზუსტი დრო კანდიდატს წინასწარ ეცნობება.