7 მაისს, საქართველოს უნივერსიტეტმა GMF-ის (The German Marshall Fund of the United States) დელეგაციას უმასპინძლა, რომელიც საქართველოში სასწავლო ტურის ფარგლებში იმყოფება. 

 შეხვედრა კითხვა-პასუხის რეჟიმში წარიმართა, სადაც GMF-ის წარმომადგენლებმა სტუდენტებისგან და მკვლევარებისგან მიიღეს დეტალური ინფორმაცია საქართველოს ევროინტეგრაციის, მედიის თავისუფლების, ევროკავშირის 12 რეკომენდაციის შესრულებისა და სხვა მნიშვნელოვანი პროცესების შესახებ.

 გარდა ამისა, განხილული იყო საქართველოს ამჟამინდელი სოციალურ-პოლიტიკური კონტექსტი, ისევე როგორც, შიდა და გარე საფრთხეები, საგარეო პოლიტიკის პრიორიტეტები და ოკუპირებულ რეგიონებში მიმდინარე მოვლენები. 

 საქართველოს უნივერსიტეტისთვის ძალიან მნიშვნელოვანია, ჩვენ პარტნიორებთან ერთად, მსგავსი დისკუსიებისა და გაცნობითი ხასიათის შეხვედრების გამართვა. მადლობას ვუხდით GMF-ის დელეგაციას სტუმრობისთვის და თანამშრომლობისთვის.