საქართველოს უნივერსიტეტსა და Austrian Blockchain Centre-ს შორის თანამშრომლობის მემორანდუმი გაფორმდა. მემორანდუმი მიზნად ისახავს სხვადასხვა კვლევითი აქტივობის გატარებას, როგორც სამეცნიერო, ასევე ერთობლივი პროექტების მიმართულებით.

🇦🇹🇬🇪 Austrian Blockchain Centre ავსტრიაში ყველაზე დიდ ბლოკჩეინ ცენტრს წარმოადგენს, რომელიც ავსტრიის 5 წამყვანი უნივერსიტეტის მიერ არის დაფუძნებული და მუშაობს, როგორც ბლოკჩეინ ტექნოლოგიების დანერგვის მიმართულებით, ასევე პრაქტიკული კვლევით გამოცდილებებზე.

🇦🇹🇬🇪 ავსტრიაში საქართველოს უნივერსიტეტის დელეგაციას წარმოადგენდა: რექტორი - კონსტანტინე თოფურია, ინფორმატიკის დეპარტამენტის ხელმძღვანელი სულხან სულხანიშვილი და რექტორის ოფისის უფროსი, თინათინ ენდელაძე. აღსანიშნავია, რომ საქართველოს უნივერსიტეტის ასოცირებული პროფესორი, ნატა სტურუა, Austrian Blockchain Centre-ის წამყვანი მკვლევარია და უზრუნველყოფს საქართველოს უნივერსიტეტის ჩართვას ამავე კვლევითი ცენტრის საქმიანობაში.

ვიზიტის ფარგლებში განხილული იყო რამდენიმე ორმხრივი პროექტი, ხოლო საბოლოო მიზანს ბლოკჩეინის ერთობლივი სამაგისტრო პროგრამის განვითარება წარმოადგენს“.