საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლამ, განათლების ინტერდისციპლინური კვლევების ასოციაცია (GAIRE) დააარსა, რომლის მიზანია განათლების სფეროში არსებითი და სტრატეგიული საკვანძო საკითხების იდენტიფიცირება, მათი ინტერდისციპლინური კვლევა და მტკიცებულებებზე დაფუძნებული გადაწყვეტილებების მიღების ხელშეწყობა.
განსაკუთრებით აღსანიშნავია ის, რომ საქართველოს განათლების ინტერდისციპლინური კვლევების ასოციაცია (GAIRE) გახდა European Educational Research Association (EERA)-ს წევრი ორგანიზაცია.
EERA-ში გაწევრიანება ნიშნავს, რომ საქართველო ოფიციალურად ჩაერთო ევროპის მასშტაბით მოქმედ განათლების კვლევით ქსელში, რომელიც აერთიანებს სხვადასხვა ქვეყნის ეროვნულ ასოციაციებს და ხელს უწყობს ევროპულ კვლევით თანამშრომლობას, ცოდნის გაზიარებასა და ხარისხიანი კვლევის სტანდარტების განვითარებას.
