4-8 ოქტომბერს, საქართველოს უნივერსიტეტის დელეგაციამ მონაწილეობა მიიღო მაინის ფრანკფურტის გოეთეს უნივერსიტეტის მიერ ორგანიზებულ საერთაშორისო სამეცნიერო სიმპოზიუმში “ციფრული კავკასიოლოგია - პარადიგმის ცვლილება” (International Symposium “Digital Caucasiology - a change of paradigm“). 

 დელეგაციაში შედიოდნენ: საქართველოს უნივერსიტეტის პრეზიდენტი, პროფესორი მანანა სანაძე, სამეცნიერო კვლევითი ინსტიტუტის დირექტორი, პროფესორი ზვიად გაბისონია და ხელოვნების და ჰუმანიტარულ მეცნიერებათა სკოლის დირექტორი, პროფესორი თინათინ ღუდუშაური. 

 კონფერენცია გახსნა ფრანკფურტის გოეთეს უნივერსიტეტის პრეზიდენტმა, პროფესორმა ენრიკო შლაიფმა. კონფერენციას მიესალმა საქართველოს უნივერსიტეტის პრეზიდენტი და თამაზ ბერაძის სახელობის ქართველოლოგიის კვლევითი ინსტიტუტია დირექტორი, პროფესორი მანანა სანაძე, რომელმაც სიმპოზიუმის მონაწილეებს გააცნო საქართველოს უნივერსიტეტის კვლევითი მიღწევები და ფრანკფურტის უნივერსიტეტთან თანამშრომლობის პერსპექტივები.

  საქართველოს უნივერსიტეტი გეგმავს ფრანკფურტის გოეთეს უნივერსიტეტის ემპირიული ენათმეცნიერების ინსტიტუტის მხარდაჭერას, რაც გაზრდის კვლევით შესაძლებლობებს და ერთობლივი საგრანტო არეალს გააფართოებს.