საქართველოს უნივერსიტეტი აგრძელებს თანამშრომლობას ფოგარტის სუფთა ჰაერის საგანმანათლებლო-კვლევითი პროექტის ფარგლებში (The Fogarty Clean Air Research and Education (CARE) program). პროექტი წარმოადგენს სტრატეგიულ თანამშრომლობას საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC), გარემოს ეროვნული სააგენტოს, ემორისა და ჯორჯ ვაშინგტონის უნივერსიტეტებს შორის.

პროექტის მიზანია საქართველოში არაგადამდებ დაავადებებთან და გარემოს ჯანმრთელობასთან დაკავშირებული კვლევების ჩატარების შესაძლებლობების განვითარება ტრენინგების, სწავლებისა და პრაქტიკის გზით. პროექტის ფარგლებში შერჩეულია  12 დოქტორანტი.

31 იანვარს, ჯანმრთელობის მეცნიერებების სკოლის „გლობალური და ევროპული ჯანმრთელობის განათლებისა და კვლევების  ინსტიტუტში", ფოგარტის პროექტში ჩართულ საქართველოს უნივერსიტეტის საზოგადოებრივი ჯანდაცვის სადოქტორო პროგრამის დოქტორანტებს, პროექტის ფარგლებში სამეცნიერო კვლევის ხელშეწყობის მიზნით, ლეპტოპები  გადაეცა.