თანამედროვე სამყაროში კიბერშეტევების რიცხვი მზარდია, ნებისმიერი საჯარო თუ კერძო სტრუქტურა უამრავ ინფორმაციას აგროვებს, ამუშავებს და სხვადასხვა მოწყობილობაში ინახავს. ამ ინფორმაციის უმეტესი ნაწილი კონფიდენციალურია, რაც ნიშნავს იმას , რომ აუცილებელია ამ მონაცემების და სისტემის შესაბამისი დაცვა.

სწორედ ამიტომ, 3 მაისს საქართველოს უნივერსიტეტში კიბერუსაფრთხოების საერთაშორისო ფესტივალი ჩატარდა. ღონისძიებაზე წარმოდგენილი იყვნენ სამთავრობო, სამოქალაქო და კერძო სტრუქტურები: მონაცემთა გაცვლის სააგენტო, კიბერუსაფრთხოების ბიურო, განათლების ხარისხის განვითარების ეროვნული ცენტრი, Greennet და ა.შ.

ღონისძიების ფარგლებში განხილული იყო შემდეგი საკითხები:

· კიბერუსაფრთხოების ეკოსისტემა საქართველოში;

· კრიტიკული ინფრასტრუქტურების დაცვა;

· კიბერდანაშაული და საერთაშორისო სამართალი;

· პიროვნების დაცულობა ინტერნეტ სივრცეში;

· ინტერნეტი და ბავშვები;

ასევე, ფესტივალზე საქართველოში პირველად, განხილული იყო „დომენური სახელების სისტემების უსაფრთხოება DNSSEC”.

შეგახსენებთ,რომ საქართველოს უნივერსიტეტში კიბერუსაფრთხოების საერთაშორისო ფესტივალი მესამედ ჩატარდა.