11-12 მაისს საქართველოს უნივერსიტეტში ჩატარდა საქართველოს უნივერსიტეტის სოციალურ მეცნიერებათა სკოლის ჟურნალისტიკისა და მასკომუნიკაციების დეპარტამენტის და საქართველოს ჟურნალისტური ეთიკის ქარტიის ერთობლივი ღონისძიება: „სწავლა მოქმედებაში: სტუდენტური სიმულაციების ლაბორატორია“
ღონისძიებას ესწრებოდნენ და სტუდენტების მუშაობას აფასებდნენ საქართველოს ჟურნალისტური ეთიკის ქარტიის წარმომადგენელი, მაია მეცხვარიშვილი და PH International - საქართველოს დირექტორი, ბერდია ნაცვლიშვილი. სტუდენტებმა 2 დღის განმავლობაში სიმულაციური ქეისის ფარგლებში დეტალურად განიხილეს ეთიკური დილემა. იმსჯელეს ისეთ ეთიკურ სტანდარტებზე, როგორებიცაა მედიის მიერ ჯეროვანი სიზუსტის დაცვა, სახელმწიფო საიდუმლოების შემცველი ინფორმაციისა და მანიპულაციური კონტენტის გავრცელება, შესაძლო შედეგები.
ღონისძიების დასასრულს დაჯილდოვდა გამარჯვებული გუნდი და მონაწილეებს გადაეცათ სერტიფიკატები.
