16-17 მარტს, საქართველოს უნივერსიტეტის მეცნიერებისა და ტექნოლოგიების სკოლის ორგანიზებით, სკოლის მოსწავლეებისთვის სიღნაღში ორ დღიანი ბანაკი ჩატარდა პერსონალური დაცვის და კიბერუსაფრთხოების შესახებ.

ღონისძიების ფარგლებში განხილული იყო პერსონალურ მონაცემთა დაცვის მნიშვნელობა და კიბერუსაფრთხოების შექმნის სხვადასხვა მეთოდი.

საქართველოს უნივერსიტეტმა შეარჩია: აკადემიკოს ილია ვეკუას სახელობის ფიზიკა-მათემატიკის ქალაქ თბილისის N42 საჯარო სკოლის; ვლადიმირ კომაროვის თბილისის ფიზიკა-მათემატიკის ქ.თბილისის N199 საჯარო სკოლისა და თბილისის არქიმედეს სკოლის მე-11 და მე-12 კლასის 20 მოსწავლე.  

ტრენინგს უძღვებოდნენ: პერსონალურ მონაცემთა დაცვის ინსპექტორის აპარატის ინფორმაციული უსაფრთხოების ოფიცერი და საქართველოს უნივერსიტეტის მოწვეული ლექტორი ბ-ნ ალექსანდრე მეზურნიშვილი და სახელმწიფო აუდიტის სამსახურის მთავარი IT აუდიტორი ბ-ნ გირშელ ჭოხონელიძე.