საქართველოს უნივერსიტეტის ჯანმრთელობის მეცნიერებების სკოლის ასოცირებული პროფესორი, თინათინ მანჯავიძე მონაწილეობდა  მეან-გინეკოლოგთა საერთაშორისო ფედერაციის (FIGO)-ს მიერ 8-12 ოქტომბერს ორგანიზებულ ყოველწლიურ კონგრესში პარიზში, საფრანგეთი. FIGO წარმოადგენს პროფესიულ ორგანიზაციას, რომელიც მსოფლიო მასშტაბით აერთიანებს 130-ზე მეტ მეან-გინეკოლოგთა ასოციაციას. 

ორგანიზაციის მთავარი ხედვაა რომ მთელს მსოფლიოში ქალებმა მიაღწიონ ფიზიკური, გონებრივი, რეპროდუქციული და სექსუალური ჯანმრთელობისა და კეთილდღეობის მაქსიმალურ სტანდარტებს მთელი ცხოვრების განმავლობაში. FIGO ჯანდაცვის მსოფლიო ორგანიზაციის ოფიციალური წარმომადგენელია და აქვს გაეროს საკონსულტაციო სტატუსი. FIGO-ს კონგრესი წარმოადგენს ყველაზე მასშტაბურ გლობალურ ღონისძიებას მეანობა-გინეკოლოგიის სფეროში. კონგრესს ესწრებოდა 8000-ზე მეტი მონაწილე მსოფლიოს 130-ზე მეტი ქვეყნიდან.

პროფესორი თინათინ მანჯავიძე კონგრესზე წარსდგა e-პოსტერით და მოხსენებით თემაზე „ახალშობილთა ჯანმრთელობის გამოსავლები SARS-CoV-2 ვირუსით ინფიცირებულ ორსულებში - პოპულაციური კვლევა“.