საქართველოს უნივერსიტეტის ჯანმრთელობის მეცნიერებების სკოლის გლობალური და ევროპული ჯანმრთელობის განათლებისა და კვლევების ინსტიტუტში 21 ნოემბერს, 18:00 სთ-ზე გაიმართება ნათია სხვიტარიძის საჯარო ლექცია - „დედების სიკვდილიანობა და ავადობა საქართველოში", რომელიც მომზადებულია მისი სადოქტორო კვლევის ფარგლებში ნორვეგიის არქტიკული უნივერსიტეტის (ტრომსო, ნორვეგია) ბაზაზე, ქართველი და ნორვეგიელი ექსპერტების თანახელმძღვანელობით. სადოქტორო თეზისის დაცვა საზოგადოებრივი ჯანმრთელობის მიმართულებით დოქტორის ხარისხის მოსაპოვებლად გაიმართა ტრომსოში (ნორვეგია), ამა წლის 25 ოქტომბერს.

საჯარო ლექციის დროს გაზიარებული იქნება ნაშრომის და ჩატარებული კვლევების შედეგები, დასკვნები და რეკომენდაციები. 

მისამართი: პეტრე ქავთარაძის ჩიხი 2, მე-4 სართული, ოთახი 401.

სადოქტორო ნაშრომის სრულად სანახავად ეწვიეთ ბმულს: https://munin.uit.no/handle/10037/34961