სიახლეები
26 სექტემბერს “მეცნიერებისა და ინოვაციების საერთაშორისო ფესტივალი - 2017” ფარგლებში საქართველოს უნივერსიტეტის ჯანმრთელობის მეცნიერებათა და საზოგადოებრივი ჯანდაცვის სკოლაში ჩატარდა საჯარო ლექცია თემაზე: "საზოგადოებრივი ჯანმრთელობის დაცვის სერვისები და კვალიფიკაციები". ლექციას უძღვებოდა ჯანმრთელობის მეცნიერებათა და საზოგადოებრივი ჯანდაცვის სკოლის დირექტორი, ასისტენტ-პროფესორი, ქალბატონი თამარ ლობჯანიძე. ლექციაზე განხილულ იქნა საზოგადოებრივი ჯანდაცვის სფეროსთან დაკავშირებული ისეთი საკითხები, როგორიცაა საზოგადოებრივი ჯანდაცვის სერვისები და მათი სპეციფიკა, საქართველოში მოქმედი საზოგადოებრივი ჯანდაცვის პროგრამები და სერვისები, ადამიანური რესურსები-კვალიფიკაციები, საზოგადოებრივი ჯანდაცვის ძირითადი ოპერატიული ფუნქციები, პირველადი ჯანდაცვა და საზოგადოებრივი ჯანდაცვის სერვისები და სხვა. ლექციაზე განსაკუთრებული ყურადღება დაეთმო საგანმანათლებლო დაწესებულებების როლს საზოგადოებრივი ჯანდაცვის სფეროსთვის მაღალკვალიფიციური შრომითი რესურსების მომზადებაში. ლექციის ბოლოს გაიმართა საინტერესო დისკუსია.
