13 ნოემბერს, საქართველოს უნივერსიტეტმა, ტოლერანტობის კვირეულის ფარგლებში, უმასპინძლა საჯარო ლექციას თემაზე: „ფსიქიკური ჯანმრთელობის საკითხი საქართველოში“.

საჯარო ლექციის ფარგლებში განხილული იყო ფსიქიკური ჯანმრთელობის საკითხები საქართველოში და მოსახლეობის დამოკიდებულება ამ პრობლემის მიმართ.

ღონისძიება ინტერაქტიულ რეჟიმში გაიმართა, აუდიტორია აქტიურად იყო ჩართული სალექციო პროცესში, სადაც ისინი ერთმანეთს საინტერესო ადამიანურ ისტორიებს უზიარებდნენ.

საჯარო ლექციას გაუძღვა- ქეთევან სილაგაძე, ფსიქიატრი.

შეგახსენებთ, რომ საქართველოს უნივერსიტეტმა ჰუმანური ღირებულებების პოპულარიზაციის მიზნით, ტოლერანტობის კვირეულის ტრადიციას 2014 წელს ჩაუყარა საფუძველი.